Serokomar tekezî li pêwîstiya parastina mafên Enfalbûyan dike

Ragihandina Serokomar

Serokomar bi malbatên Enfalbûyan

Serokomarê Îraqê Nizar Amêdî, roja Sêşemê 18ê Tebaxa 2026an, li Koşka Selam ya li Bexdayê, pêşwaziya hejmarek ji malbatên qurbaniyên Enfalê kir, di civînê de rewş û pêdiviyên wan hatin gotûbêjkirin û guhdarî li daxwaz û hêviyên wan hat kirin.

Di hevdîtinê de, ku endama Encûmena Nûneran a Îraqê xanim Serwe Mihemed jî amade bû, Serokomar tekez kir ku ew tiştê ku bi serê malbatên Enfalbûyan de hatiye, rûpeleke êşdar a dîrokê ye û dadperweriya ji bo qurbaniyan û parastina mafên wan, erkeke niştimanî û exlaqî ye.

Serokomar her wiha girîngiya belgekirina van tawanan û parastina bîra niştimanî diyar kir, daku pêşî li dûbarebûna van trajediyan were girtin.

Serokomarê Îraqê her wiha tekezî li ser pêwîstiya piştgirî û xwedîderketina li malbatên Enfalbûyan û qerebûkirina wan li gorî wan binpêkirin û tawanên cenosîdê yên ku rastî wan hatine kir, û bal kişand ser wê yekê ku divê mafên wan werin parastin û misogerkirin ku ew hewcedarê lênêrîn û giringiya pêwîst in.

Ji aliyê xwe ve, endamên şandê spasiya Serokomar Nizar Amêdî kirin ji ber eleqeya wî ya bi pirsgirêkên wan re, û tekezî li ser girîngiya berdewamkirina piştgiriya mafên wan û dabînkirina pêdiviyên wan kirin.

PUKMEDIA