10 Mîlyon dolar ji bo vegera koçberan hatiye veqetandin

Ajans

Kampek ya koçberan

Wezareta Koç û Koçberan a Îraqê bi hemahengiya ajanseke Koreyî ji bo hemahengiya navneteweyî û bernameya pêşxistinê ya Neteweyên Yekbûyî, destpêşxeriyeke nû bi qasî 10 mîlyon dolarî ji bo dabînkirina çareseriya aramiyê ji bo koçberên navxweyî îmze kir.

Nûnerê bernameya pêşxistinê ya Neteweyên Yekbûyî Tîton Mîtra, da xuyakirin ku destpêşxerî dê beşdar bibe di baştirbûna binesaziya civakî û baştirkirina cihên niştecihbûnê û guncandina wan bi guhertinên avûhewayê re, ligel xurtkirina kapasîteyên navxweyî di avakirina aştiyê û dûrketina ji aloziyan de.

Ev destpêşxeriya nû di çarçoveya hemahengî û hevkariya di navbera Wezareta Koç û Koçberan a Îraqê, Ajanseya Korî ji bo Hemahengiya Navneteweyî û Bernameya Pêşxistinê ya Neteweyên Yekbûyî de tê cîbicîkirin.

Proje bi qasî 10 mîlyon dolarî ji bo heyama pênc salan berdewam dike û armanca sereke piştgiriya zêdetirî 18 hezar kesiye ji koçber û vegeriyayên parêzgehên Enbar, Selahedîn, Neynewa û Kerkûkê ye, di heman demê de kar ji bo baştirkirina binesaziya civakî, cihê niştecihbûnê û xurtkirina kapasîteyên navxweyî dike.

PUKMEDIA