Cîgirê Serokê Herêmê digel Balyoz û Konsulê Giştî yê nû yê Brîtanya civiya

Nivîsgeha Ragihandina Cîgirê Herêmê

Şêx Cafer Şêx Mistefa û Îrfan Sedîq

 Îro,Sêşem rêkefta (18-08-2026).an Cîgirê Serokê Herêma Kurdistanê Şêx Cafer Şêx Mistefa pêşwazî li Îrfan Sedîq, Balyozê Brîtanya li Îraqê û Holly Vere, Konsulê Giştî yê nû yê Brîtanya li Herêma Kurdistanê kir.

Di civînê de,Cîgirê Serokê Herêmê pîrozbahî li Xatûn Holly Vere kir ji ber destbikarbûna wê wek Konsula Giştî ya nû ya Brîtanya li Herêma Kurdistanê û piştgiriya xwe ji bo serkeftina erkên wê nîşan da.

Ji aliyê xwe ve, Xatûn Holly Vere kêfxweşiya xwe ji bo destnîşankirina wê wekî Konsula Giştî ya Brîtanya li Herêma Kurdistanê nîşan da û tekezî li ser berdewamiya peywendiyên dîplomatîk yên welatê xwe bi Herêma Kurdistanê re li ser bingeha berjewendiyên hevbeş kir.

Rewşa siyasî û ewlehî ya Îraqê, pêşhatên dawî yên li Rojhilata Navîn û bandorên wê li ser Îraq û Herêma Kurdistanê, her wiha pêvajoya çaksazîyê û yekgirtina Pêşmerge tewerek din ya civînê bû.

PUKMEDIA