Girîngiya hevrêziyê saziyên siyasî, sendîkayî û yasayî hat tekez kirin

PUKMEDIA

Dr. Xalid Şiwanî û Seroka Sendîkaya Parêzerên Îraqê

Berpirsê Mekteba Siyasî ya Yekîtiya Nîştimanî ya Kurdistanê li Bexdayê Dr. Xalid Şiwanî, îro Pêncşemê 20ê Tebaxa 2026an, li baregeha mekteba siyasî pêşwazî li seroka Sendîkaya Parêzerên Îraqê xanim Ehlam El-Lamî kir.

Di hevdîtinê de gelek babetên girêdayî berjewendiyên hevpar hatin gotûbêjkirin û bal hate kişandin ser girîngiya xurtkirina têkilî û hevrêziyê di navbera saziyên siyasî, sendîkayî û yasayî de, bi awayekî ku bibe alîkar ji bo piştgiriya serweriya yasayê, xurtkirina karê sazûmanî û xizmetkirina berjewendiya giştî.

Her wiha di civînê de nêrîn li ser çend dosyayên yasayî û pîşeyî hatin guhertin, û girîngiya piştevaniya rola parêzeran di parastina maf û azadiyan û xurtkirina dadmendiyê de hate tekezkirin.

Ji aliyê xwe ve, seroka Sendîkaya Parêzerên Îraqê girîngiya berdewamiya têkilî û hevkariyê tekez kir, û spasiya xwe ji bo rola mekteba Siyasî ya li Bexdayê bi serokatiya Dr. Xalid Şiwanî anî ziman, û serkeftina wî di Wezareta Dadê de, pêşvebirina fermanhgehên wê, şopandina hemû warên wê û nêzîkbûna wî ji welatî re bilind nirxand.

Dr. Xalid Şiwanî pesnê rola seroka sendîkayê da di şopandina gelek qanûn û yasayan de ku dibin alîkar ji bo misogerkirina mafên parêzeran. Her wiha amaje bi rola Serok Mam Celal (rehma Xwedê lê be) hate kirin di dema serokatiya wî ya Komarê de û parastina wî ji mafên welatiyan bi hemû pêkhateyên wan ve, ku bi rastî ew bûbû semama ewlehiyê ya Îraqê.

Ev serdan di çarçoveya xurtkirina têkilî û peywendiyan bi saziyên cûrbicûr, sendîka û çalakiyên niştimanî yên li Bexdayê de, tê.

PUKMEDIA