YNKê tekezî li ser xizmetkirina welatiyên Xaneqînê dike

PUKMEDIA

Dr. Xalid Şiwanî bi nûnerên Xaneqînê re

Berpirsê Mekteba Siyasî ya Yekîtiya Nîştimanî ya Kurdistanê (YNK) li Bexdayê Dr. Xalid Şiwanî, pêşwaziya şandeke bajarê Xaneqînê kir ku ji qaymeqamê berê yê Xaneqînê Mihemed Mela Hesen, hejmarek ji endamên encûmena bajarok û rûsipiyan pêk dihat, bi amadebûna endamê encumena serkirdatiya YNKê Aras Mela Axa, berpirsê Melbenda Rêxistinên Neynewayê.

Di civînê de çendîn pirs û dosyayên ku girîng in ji bo welatiyên Xaneqînê hatin gotûbêjkirin, her wiha pêdivî û daxwazên herî girîng hatin nirxandin ku Dr. Xalid Şiwanî soz da ku bi xwe bişopîne û bi wan re bixebite ji bo dîtina çareseriyên guncaw jê re.

Berpirsê Mekteba Siyasî ya YNKê li Bexdayê tekez kir ku serkirdatiya YNKê girîngiyeke taybet dide bajarê Xaneqînê û hewil dide daxwazên welatiyên wê bi hevahengî ligel aliyên hikûmî û saziyên din ên dewletê bicîh bîne, û pêşkêşkirina xizmetguzariyan ji bo welatiyên wê di hemû waran de hêsan bike, ji ber ku heta demeke nêzîk û heta niha jî ji kêm-dabînkirina hin fermangehên xizmetguzarî û tenduristiyê dinalîne.

Dr. Xalid Şiwanî tekez kir ku Xaneqîn û xelkên wê gelek qurbanî dane û îro mafê wan heye ku dewlet tiştekî bike ku rewşa wan a jiyanê baştir bike û aramî û pêkvejiyanê li bajar xurt bike.

PUKMEDIA