Aloziyên di navbera Amerîka û Îranê de nirxê petrolê dadixe

PUKMEDIA

Petrol

Îro 21ê Tebaxa 2026an, bihayê petrolê daket ev yek jî ji ber berdewamiya aloziya di navbera Amerîka û Îranê de ku bûye sedema astengkirina berdewam a hilberîn û dabînkirina petrolê li navçeyên sereke yên hilberînê li Rojhilata Navîn.

Li gorî nûçeyeke Ajansa Nûçeyan a Reutersê, peymanên petrola xam a brêntê 23 senteyan anku bi rêjeya 0.3% daketin bo 93.55 dolarî ji bo her bermîlekî, ev yek piştî ku di rûniştina berê de bi rêjeya 2.4% bilind bûbûn. Herwiha peymanên petrola xam a Rojavayê Teksasê ya Amerîkayê (WTI) 33 senteyan anku 0.4% daketin bo 86.50 dolarî ji bo her bermîlekî, piştî ku di rûniştina berê de 2.3% destkeft bi dest xistibûn.

Di maweya pênc rûniştinên dawî yên bazirganiyê de, petrola brêntê zêdetirî 7% bilind bûye, di demekê de ku petrola Teksasê zêdetirî 8% ji destkeftiyên xwe bi dest xistiye û her du pîvan gihîştine asta xwe ya herî bilind ji 24ê Tîrmehê ve.

Ev di demekê de ye ku rêkeftineke berê ya agirbestê di navbera aliyan de di vê hefteyî de bi dawî bû, bêyî ku tu alî hewl bide ji bo destpêkirina danûstandinan, her wiha Serokê Amerîkayê Donald Trump gefa tolhildana aborî li wan welatan xwar ku piştgiriya Îranê dikin.

PUKMEDIA