Trump: Hêza deryayî ya Amerîkayê parastina zêdetirî hezar gemî li Tengavê kir ku derbas bibin

PUKMEDIA

Tengava Hurmizê

Serokê Amerîkayê Donald Trump ragihand ku Hêzên Deryayî yên Amerîkayê zêdetirî hezar gemiyên bazirganî û tanker şopandine û parastine daku di Tengava Hurmizê de bi aramî derbas bibin.

Trump di peyamekê de li ser platforma xwe "Truth Social" got: Hêzên Deryayî yên Amerîkayê zêdetirî hezar gemiyên bazirganî û tanker parastine.
Li gorî rapora, gemiyan Rêya Başûr hilbijart da ku ji berk u rêça bakur di bin kontrola Îranê de ye, ev yek jî di nava berdewamiya aloziyên ewlehiyê de ye ku bandor li ser tevgera deryayî ya di tengavê de kiriye. vê parastins Amerîkayê dibe sedema kêmkirina bilindbûnên ji nişka ve yên bihayên petrola cîhanê, tevî ku tevgera deryayî ya di tengavê 20% di astên xwe yên berî şer de ma ye.

Li hember de, medyaya Îranî ragihand ku Tehranê destûr daye ku hinek tankerên neftê yên Îraqî derbas bibin, ev jî wekî bersivdayînek ji daxwazên Bexdayê re, di pêngavekê de ku berdewamiya bandora xwe li ser rêça avî nîşan da.
Ajansa nûçeyan a Îranê "Irna" ragihand ku Îranê destûr da hejmareke tankerên neftê yên Îraqê ku ji Tengava Hurmiê derbas bibin, ev yek jî piştî daxwazên dubare yên Bexdayê bi rêya kanalên cûrbecûr pêk hat.

Ajansê da desnîşankirin ku bidestxistina destûreke taybet ji bo tankerên Îraqê, di dema serdana Serokê Parlamentoya Îranê Mihemed Baqir Qalîbaf bo Îraqê de, yek ji daxwazên sereke yên Bexdayê bû.
Serokwezîr Elî El-Zeydî got ku welatê wî armanc dike ku di nava 6 salan de hilberîna petorlê bigihîne navbera 8 û 10 milyon bermîlan di rojekê de.

Wî zêde kir ku komîteyeke wezîran ji bo gotûbêjkirina zêdekirina para Îraqê di hilberîna petrolê de di çarçoveya rêxistina OPEKê de, hatiye şandin bo Siûdiyeyê.
El-Zeydî her wiha da zanîn ku xebat ji bo hinardekirina petrola Îraqê bi rêya bajarê Banyas ê Sûriyeyê û Aqebeya Urdunê berdewam in.


PUKMEDIA