Konferansa yekem a nexweşiya penceşêrê li Silêmaniyê hate ragihandin

PUKMEDIA

Dr.Yad Neqişbendî

Yekemîn konferansa nexweşiya penceşêrê li Silêmaniyê bi beşdariya zêdetirî 200 pispor, pijîşk, lêkolîner, serkirdên çavdêriya tenduristiyê û pisporên navneteweyî hate ragihandin û rêveberê Nexweşxaneya Hîwa dibêje: Me karekî rastî kiriye ji bo berfirehkirina xizmetguzariyên xwe û lidarxistina vê konferansê jî dê bibe şoreşeke nû di çareserkirina nexweşan de û em ê gavên din ên nûtir jî biavêjin.

Îro, 26ê 08ê 2026an Dr. Yad Neqşbendî rêvebirê nexweşxaneya Hîwa, di kongreyeke rojnamevaniyê de ragihandina yekemîn konferansa nexweşiya penceşêrê eşkere kir û da xuyakirin: Konferans di rojên 4,5/2/2027an de li bajarê Silêmaniyê birêve diçe û tîrêjê diavêje ser xweparastina ji penceşêrê, naskirina zû (pêşwext), çareserî û lêkolînan; ji bilî wê yekê ku Silêmanî wekî navendeke geşesendî ji bo pêşvebirina pijîşkî û hevkariya navneteweyî di çavdêriya penceşêrê de tê naskirin.

Wî her wiha got: Konferans di bin serpereştiya Rêveberiya Tenduristiya Silêmaniyê û Sindoqa Penceşêrê de û bi hevahengiya Zanîngeha Silêmaniyê û Rêxistina Êlît birêve diçe, ku armanca wê hişyariya giştî û çareserkirina tûşbûyên nexweşiyê ye.

Birêvebirê nexweşxaneya Hîwa her wiha ragihand: Konferans bi beşdariya hemû navendên penceşêrê yên Herêmê û Îraqê birêve diçe û tê de çendîn kargehên zanistî tên pêşkêşkirin. Di heman demê de kar li ser anîna pêş a xizmetguzariya AI ji bo tûşbûyên penceşêrê tê kirin û em ê wê xizmetguzariyê jî bixin xizmeta tûşbûyên penceşêrê de.

Wî her wiha da xuyakirin ku yekemîn konferansa navneteweyî ya penceşêrê bi beşdariya zêdetirî 200 pispor, pijîşk, lêkolîner, serokên çavdêriya tenduristiyê û pisporên navneteweyî tê lidarxistin, armanca wê jî hişyariya giştî û çareserkirina nexweşiyê ye ji ber ku her pêngaveke zanistî ji bo xizmetkirina nexweşan e û ji bo wê ye ku nexweşxaneya me di rêza yekem de li Îraq û Herêma Kurdistanê bimîne.

Dr. Yad Neqşbendî, Rêveberê Nexweşxaneya Hîwa, her wiha got: Li ser raspardeya Qubad Talebanî, Cîgirê Serokwezîrê Herêmê, beşek ji Nexweşxaneya Hîwa dê wekî navendeke penceşêrê li sînorê îdareya Raperînê bê vekirin.


PUKMEDIA