Ji ber lehiya li Nepalê bi sedan kes winda ne

Ajans

Dîmenek ji rûdana lehiyê

Lêhiyên berfireh li herêma Rasuwa ya welatê Nepalê rû dan û li gor raportên destpêkê 7 kesan jiyana xwe ji dest dane û li herêma bandordar, nêzîkî sînorê Çînê, peywendiya 384 heciyên ku amadekariya serdana Tibetê dikirin, qut bûne.

Rasuwa, herêmeke çiyayî ya Nepalê, di demjimêrên serê sibê de lehî rabû û di wê serbarê de rayedaran ragihandin ku herî kêm 25 kes hatine rizgarkirin, û nirxandinên destpêkê nîşan didin ku 7 kes di lehî de mirine.

Li gorî rojnameya Kathmandu Post, rayedaran diyar kirin ku neh efserên polîs û 384 heciyên ku ji bo serdaneke olî çûn Kailash Mansarovar li Herêma Xweser ya Tibetê ya Çînê, ku bi Rasuwa re sînor e, winda bûne.

Rayedaran destnîşan kirin ku lehiyê zirar daye wargeh û avahiyên li kêleka Çemê Bhotekoshi, û ragihandin ku hêzên ewlehiyê operasyonên lêgerîn û rizgarkirinê didomînin.

PUKMEDIA