Berdevkê Supaya Pasdaran:Îran û Umanê li ser Tengava Hurmuzê lihevkirin

Ajansa Anadol

Tengava Hormuzê

Berdevkê Supaya Pasdarên Şoreşa Îranê Ferîq Husên Mohebbi ragihand ku di derbarê Tengava Hormuzê de bi Umanê re hin rêkeftin hatine kirin û got:Vekirina Tengava girêdayî pesendkirina mercên Îranê ji aliyê Amerîka ve ye.

Berdevkê Supaya Pasdarên Îranê:Vekirina Tengava girêdayî pesendkirina mercên Îranê ji aliyê Amerîka ve ye

Li gor raportek ajansa Anadol ya Turkî; Ferîq Husên Mohebbi, berdevkê Supaya Pasdarên Şoreşa Îranê, di civîneke çapemeniyê de derbarê bûyerên heyî de daxuyanî da û ragihand ku Îran li ser Tengava Hormuzê kontrola xwe heye û got:Berevajî daxuyaniyên rêveberiya Amerîka, li Kendava Farsê yan jî li Tengava Hurmuzê tu keştiyên leşkerî nînin û aşkere kir ku hemû keştiyên şer yên dijmin bi kêmî ve 400 kîlometre dûrî Tengava Hormuzê ne, û ji hêla leşkerî û axê ve, tu keştiyek bêyî destûr û rêveberiya Îranê nikare ji vê rêya avê derbaz bibe."

Berdevkê Supaya Pasdarên Îranê: Tengava Hurmuzê ya Îranê û ya Umanê ye

Fermandarê Îranî ragihand ku Tengava Hurmuzê ya Îranê û ya Umanê ye, ku li hember me ye ku nêzîkî mehek berê, û me bi Umanê re dest bi danûstandinan kir û gihîştin hin rêkeftinan ku her du alî jî pesend kirin,di encama van danûstandinan de li ser parvekirinên her du welatan di Tengava Hurmuzê û parvekirinên dahatê yên Îran û Umanê rêkeftin çêbûn."

Berdevkê Supaya Pasdarên Îranê:Eger Amerîka pabendî rêkeftinê bibe emê Tengava Hurmuzê vekin

Muhibbi, bi îdiaya ku Amerîka hewl dide ku pêvajoya rêkeftinê di navbera Uman û Îranê de asteng bike, diyar kir vê rewşê bûye sedema derengketina pêvajoyê lewra eger Amerîka dev ji astengkirinê berde û vegere yadeştnameya têgihîştinê ku di 17ê Hezîranê de hatibû îmzekirin,em dikarin Tengava Hurmuzê di çarçoveya rêkeftina ku hatiye îmzekirin de vekin,ji ber vê yekê, divê mercên me ji hêla Amerîka ve werin pesendkirin,eger Amerîka mercên me pesend neke, Tengava Hurmuzê di tu mercan de nayê vekirin."

Di qonaxa yekem ya peymana ku di navbera Îran û Amerîka de di 14ê Hezîranê de bi navbeynkariya Pakistanê hate kirin de, biryar hat dayîn ku li hember berdana mal û milkên cemidî yên Îranê ji aliyê Amerîka ve, Tengava Hurmuzê were vekirin û Îran ji bo derbazbûna ji vê rêya avê ya stratejîk 60 rojan xercê nestîne.

Piştî îmzekirina peymanê, Amerîka mal û milkên cemidî yên Îranê bernedan û ji bo derbazbûna ji Tengava Hurmuzê rêyeke alternatîf di nav avên axa Umanê de destnîşan kir.

Îranê van kiryaran wekî binpêkirina peymanê dît, derbazbûna ji Tengava Hurmuzê sînordar kir û êrîşî hin keştîyên ku hewl didan bêyî destûr derbaz bibin kir,tevî peymanê, aloziya di navbera her du welatan de zêde bû, û di 8ê Tîrmehê de li dora Tengava Hurmuzê pevçûnên tund derketin holê, ku bi qasî du hefteyan dom kir.

Îranê bi Umanê re, ku bi Tengava Hurmuzê ve sînor e, ji bo avakirina rêyên derbazbûnê yên ewle ji bo keştîyan, danûstandinan ji nû ve dest pê kir.

Cîgirê Wezîrê Derve yê Îranê Kazim Xerîbebadî ragihand ku di navbera Îran û Umanê de ji bo aktîvkirina rêyeke hevbeş li Tengava Hurmuzê rêkeftinek hatiye kirin.

 Xerîbebadî diyar kir ku divê Amerîka û welatên din bizanin ku Tengava Hurmuzê tenê di çarçoveya rêkeftinên ku ji hêla Îranê ve hatine destnîşankirin de dê were vekirin.

PUKMEDIA