Macron pêşwazî li tevlîbûna HSDê di nav Hikûmeta Sûriyê de dike

Annahar

Serokkomarê Fransayê Emmanuel Macron

Serokkomarê Fransayê Emmanuel Macron yekgirtina Hêzên Sûriye Demokratîk (HSD) digel hikûmeta Sûriyê pîroz kir û tekez dike ku divê çek di destê dewletê de bin.

Serokê Fransayê Emmanuel Macron pîrozbahiyê li Sûriyê kir ji bo tiştê ku wî wekî "pêngaveke biryardar" di tevlîbûna aştiyane ya Hêzên Sûriye Demokratîk (HSD) di nav saziyên dewleta Sûriyê de bi nav kir; û pesna rola Serokkomarê Sûriyê Ehmed Şereh û fermandarê Hêzên Sûriye Demokratîk Mezlûm Ebdî da.

Macron îro roja Çarşemê di postekê de li ser platforma X got, "Ez Sûriyê ji bo pêngava biryardar ya ku duh di tevlîbûna aştiyane ya Hêzên Sûriye Demokratîk di nav saziyên dewleta Sûriyê de hat avêtin pîroz dikim.

Her weha got: Ez pabendbûna Serok Şereh û hesta berpirsiyariyê ya ku Mezlûm Ebdî û Hêzên Sûriye Demokratîk di vî warî de nîşan dane, pesin dikim.

Fransa: Emê çavdêriya cîbicîkirina peymanê bikin

Serokomarê Fransayê destnîşan kir ku Parîs ji destpêka serdema veguhêz li Sûriyê ve di piştgirîkirina vê rêbazê de rolek lîstiye, û tekez kir ku ewê bi baldarî çavdêriya çawaniya cîbicîkirina wê li ser erdê bike û got: Ji destpêka serdema veguhêztinê ve, Fransa roleke çalak di piştgiriya vê pêvajoyê de lîstiye û dixwaze pêkanîna wê bişopîne.

Macron amaje bi wê yekê kir ku,Fransa dê piştgiriya veguhertina Sûriyê bike,ku tenê bi prensîbên yekîtî û serweriya Sûriyê,rêzgirtina ji bo hemû pêkhateyên wê û yekdestdariya dewletê li ser bikaranîna hêzê were rêvebirin.

Macron di dawiyê de tekez kir ku ev prensîb nûnerayetiya rêya avakirina aştî û aramiya mayînde li Sûriyê dike.

PUKMEDIA