Trump:Me mezintirîn peymana petrolê digel Venezuela îmez kir

CNN Arabic

Donald Trump Serokê Amerîka

Serokê Amerîka ragihand ku welatê wî digel Venezuela peymaneke dîrokî ya petrolê imze kiriye ku kontrola zêdetirî 65 milyar bermîl petrola vî welatî dide destê Amerîka. 

Donald Trump Serokê Amerîka li ser hesabê xwe yê "Truth Social" daxuyand ku di bin serperştiya wî de û bi rêya Wezîrê Derve Marco Rubio û Wezîrê Şer Pete Hegseth,peymanek mezin digel Seroka Demkî ya Venezuela Delcy Rodríguez û bi hevkariya kerta taybet hatiye îmzekirin.

Trump eşkere kir ku ev peyman bêyî çi lêçûnekê ji bo bacderên Amerîkî pêk hatiye û dê yedegên petrola Amerîka ji du qatan zêdetir bike, ku ev yek jî dê bibe sedema erzankirina bihayê benzînê ji bo welatiyên Amerîka.

Ji aliyê xwe ve,Marco Rubio Wezîrê Derve yê Amerîka ev peyman wekî serkeftinekê ji bo her du gelan bi nav kir û destnîşan kir ku ev pêngava dîplomatîk dê nêzîkî 100 milyar dolar weberhênana taybet bîne Venezuela û bibe sedema vejandina aboriya wî welatî û afirandina hezaran derfetên kar.

Her wiha hat diyarkirin ku ev peyman li ser 17 zeviyên petrolê yên serekî li Venezuela disekine.

PUKMEDIA