Hejmara qurbaniyên lehiyên Nepalê gihîştiye 626 kesan

Ajans

Dîmenek ji lehiyên li Nepalê

Hejmara qurbaniyên lehiyên li Nepalê gihîştiye 626 kesan, û hîn jî 2 hezar û 426 kes winda ne û texmînên destpêkê nîşan didin ku welat ji bo ji nû ve avakirinê 4-5 milyar dolar hewce dike, di heman demê de operasyonên lêgerîn û rizgarkirinê li ser sînorê bi Çînê re berdewam dikin.

Rayedarên Nepalê îro roja Şemiyê rêkefta (29-09-2026).an ragihandin ku hejmara qurbaniyên lehiyên wêranker yên li welêt gihîştiye 626 kesan, di heman demê de 2 hezar û 426 kes hîna jî li seranserî welêt winda ne.

Ev hejmar piştî wê yekê tên ku hejmara berê gihîştibû 579 mirî û 1924 winda, di heman demê de operasyonên lêgerîn û rizgarkirinê li ser sînorê di navbera Nepal û Çînê de di roja çaremîn de berdewam dikin.

Her weha li aliyê Çînê, rayedaran ragihand ku li herêma Tibetê 7 kes mirine û 554 kesên din jî winda ne.

Ji aliyê xwe ve, Wezîrê Darayî yê Nepalê Swarnim Wagli texmîn kir ku welatê wî ji bo ji nûve avakirinê 4-5 milyar dolar hewce dike, û destnîşan kir ku ev hejmar texmîneke û nirxandina asta windahî û ziraran hîn jî berdewam dike.

PUKMEDIA