Newresan berê xwe dane Gola Devera Raperîn

PUKMEDIA -Arşîv

Dîmenê Newresan

Rêveberê Polîsê Daristan û Jîngehê yê Raperînê radigihîne ku Newres (Nûris) bi awayekî berbiçav beê xwe dane golên herêma Raperînê û heta niha ti bûyereke nexweşiyê an binpêkirin û êrîşkirineke li ser van firindeyan nehatiye tomarkirin.

Rêveberê Birêveberiya Polîsê Daristan û Jîngehê yê Raperînê Emîd Selah Mihemed, di daxuyaniyeke rojnamevanî de da xuyakirin ku mîna her salê, Newres (Nûris) cardin zivirîne golên herêmê û îsal li gorî salên borî li hin navçeyan hejmara wan zêdetir e.

Selah Mihemed, da zanîn ku heta niha ti haleteke nexweşiyê an destdirêjiyê li ser firindeyan (Balindeyan) nehatiye tomarkirin.

Her wiha destnîşan kir ku gir û deştên li derdora golan ji bo bêhnvedan û jiyana van balindeyan bûne cihekî herî guncaw.

Tevî ku li hin cihan hejmara wan guherîbe jî, lê bi giştî rewşa jîngehî û hewnana wan di nava gol û deştan de di rewşeke asayî û aram de ye.

Rêveberê Polîsê Daristanê tekez kir ku tîmên wan bi berdewamî di nava lêgerîn û çavdêriyê de ne ji bo parastina vê jîngehê û ewlehiya van firindeyên xweşik.

PUKMEDIA