Bilindbûnek di amara qurbaniyên lehiyên Nepalê de û hişyariyek li ser rizgarkeran

PUKMEDIA

Lehî

Desteya Rêveberiya Rewşên Awarte ya Nepalê roja Yekşemê ragihand ku li gorî daneyên dawî yên nefermî, hejmara qurbaniyên lehiyên wêranker ên ku roja Çarşemê li bakurê welêt û nêzî sînorê Çînê rabûn, gihîşt 734 qurbanî û 2498 windayan.

Li aliyê Çînê jî, li gorî ragihandina medyaya fermî, hejmara qurbaniyan gihîşt 16 kesan û 546 kes jî hînê winda ne, ku bi vê yekê re hejmara giştî ya kesên ku di karesatê de jiyana xwe ji dest dane dibe 750 û ya windayan jî digihîje 3044an.
Rayeya Rêveberiya Rewşên Awarte di hişyariyekê de ku roja Yekşemê danê sibehê da, ragihand ku wan agahî wergirtine ku li herêma Rasuwayê di çemê Botîkûşî de herikîna ava lehiyê bi awayekî berçavan zêde dibe. Ji ber vê yekê, ji hemû kesên ku di karên lêgerîn, rizgarkirin û alîkariyê de cih digirin, ji niştecihên herêmên ku li kêleka çem in û ji hemû kesên din ên li herêmên ku bandor lê bûye, di nav de Rasuwa, Nûakût, Dadîng û Çitwan, tê xwestin ku hişyar bin.

Saziya Lêkolînên Jeolojîk a Amerîkayê eşkere kir ku leh bi sedema hilweşîna qeşê çêbûne, ya ku bûye sedema tevgerandina erdhejê û karesetê ber bi gola çem ve li Nepal û Tîbetê. Got jî: Ev bûyer di destpêkê de wekî erdhejeke bi mezinahiya 4.4 pileyî hatibû ragihandin, lê piştî lêkolîna li ser tomarkirinên erdhejê diyar bû ku ew hilweşîna qeşê û herikîna bermahiyan bûye.


PUKMEDIA