Îslendî destpêkirina danûstandinên ji bo endamtiya di Yekîtiya Ewropayê de red dikin

PUKMEDIA

Alaya Îslandayê

Welatiyên Îslendayê bi rêjeya 52.5% a dengan, hewldanên hikûmeta xwe ji bo destpêkirina danûstandinan ji bo endambûnê di Yekîtiya Ewropayê de red kirin, û sedema sereke ya serkeftina eniya "na" jî vedigere ser metirsiya windakirina serweriya welat.

Li gorî raporeke kenala RUV, xelkê Îslendayê bi rêjeya 52.5% dengê "na" û bi rêjeya 47.5% dengê "erê", destpêkirina danûstandinên ji bo endamtiya di Yekîtiya Ewropayê de red kirin, û sedema sereke ya vê redkirinê jî parastina serweriya welat û kontrolkirina çavkaniyên dewlemendiya masiyan e.
Her li gorî rapora kenala RUV, ev encam Brukselê bêhêvî dike, ji ber ku wan Îslenda wekî derfetekê ji bo xurtkirina refên xwe û bihêzkirina ewlehiya navçeya Cemserî Bakur didît.

Di heman demê de, eniya "erê" di wê baweriyê de bûn ku endamtiya Yekîtiya Ewropayê dê aboriya welat bixe ser rêyekî aram û rêjeya sûdê kêm bike û li hember aloziyên cîhanî (wekî şerê Ûkraynayê) ewlehiyê dabîn bike, li hemberî vê yekê eniya "na" di wê baweriyê de bûn ku tevlîbûna di wê yekîtiyê de dê serweriya Îslendayê kêm bike û zirarê bide sektor û çavkaniyên dewlemendiya masiyan û masîgirtinê.

Ev di demekê de ye ku Îslendayê di sala 2009an de ji ber qeyrana darazî daxwaza endamtiyê di Yekîtiya Ewropayê de kir, lêbelê ji sala 2013an ve danûstandin hatine rawestandin. Di heman demê de, hewldanên Donald Trump ji bo kontrolkirina Grînlandê nîgeranî li Îslendayê çêkirine, ji ber ku Îslenda bi dûrahiya 180 mîlî cîranê avên Grînlandê ye û artêşeke wê ya serbixwe nîne û xwe dispêre NATOyê, lewra beşek ji welatiyan di wê baweriyê de bûn ku nêzîkbûna ji Yekîtiya Ewropayê re dê parastin û ewlehiyeke zêdetir ji wan re dabîn bike.

PUKMEDIA