Nûvekirina pevçûnê: Bombebarana Amerîkî li girava Larikê û bersiva Îranî li ser bingehên li herêmê

PUKMEDIA

şerê Îran û Amerîka

Artêşa Pasdarên Îranê ragihand ku sibeha roja Duşemê, li ser keştiyeke petrolê ku di dema derbasbûna "rêyeke neqanûnî" de li başûrê Tengava Hurmizê rastî du mîneyên deryayî hatibû, agir derket. Tehranê her wiha tekez kir ku wan bingehên artêşa Amerîkayê yên li Îmarat û Urdunê hedef girtine, ev jî piştî êrîşên ku şeva borî ji aliyê Amerîkayê ve li ser Girava Lark a li Tengavê hatibûn kirin.

Deryayî Artêşa Pasdaran hişyarî kir ku çarenûsa keştiyên ku rêzikên ewlehiyê yên tengavê binpê bikin dê mîna ya wê keştiyê be ku li mîneyan qelibî, û tekez kir ku pabendbûn bi rênimayên ku ji aliyê hêzên wan ve ji bo derbasbûn tengavê hatine ragihandin "fermaneke neçarî" ye. Wê her wiha banga li kampaniyên pasedarên veguhestina deryayî kir ku bi gotinên wan "li ser xapandina artêşa Amerîkayê nekevin.

Armancgirtine bingehên li Îmarat û Urdunê

Di heman çarçoveyê de, artêşa Îranê ragihand ku wan bi dehan dronan navendên helîkopter û hêzên artêşa Amerîkayê yên li baregeha Minhad a li Îmaratê armanc girtine, û diyar kir ku ev êrîş wekî bersivekê ye ji bo tiştê ku wan wekî "êrîşên dijmin" li ser Girava Lark bi nav kir.

Ji aliyekî din ve, Artêşa Pasdarên Îranê di daxuyaniyekê de got: Me binesazî û bingehên balafirên şer ên dijmin li bingehên hewayî yên El-Melik Huseyn û Ezreq ên Amerîkayê yên li Urdunê têk birin, û da xuyakirin ku êrîşa li ser her du bingehên Urdunê wekî "bersivekê ji bo êrîşa Amerîkî a li ser Girava Lark" bûye.

Di daxuyaniyê de hate destnîşankirin ku Artêşa Pasdaran di van êrîşan de dron û mûşekên balîstîk bi kar anîne. Pişt re televîzyona Îranî ragihand ku mûşekên di operasyonê de hatine bikaranîn mûşekên balîstîk ên bi sotemeniya hişk ji curê "Xeyber Şikin " û her wiha mûşekên "Qedir" û "Îmad" ên bi sotemeniya şil bûn.

Ji aliyê xwe ve, Wezareta Derve ya Îranê tekez kir ku artêşa Amerîkayê êrîşî beşekî Girava Lark kiriye, ku ev yek binpêkirina serweriya neteweyî û yekparebûna xaka Îranê ye.


Û wê ragihand ku hêzên çekdar ên Îranê "lêdanên parastinê yên wêranker" li bingehên leşkerî yên Amerîkayê yên li Urdunê xistin, û got ku ew bûn bingeha destdirêjiya leşkerî ya Amerîkayê li ser Îranê. Wezareta Karên Derve ya Îranê da xuyakirin ku sedema ku nehêştiye rêça deryayî ewle be kiryarên Amerîkayê ye. Û tekez kir ku Îran wê bi tundî bersive her êrîşekê bide.

 Pasdaran ragihand ku di destpêka sibê de, sîstema wê ya parastina esmanî dironeka Amerîkî ya ji cûreyê "MQ-9" li esmanên Tengavê xistiye xwarê.

Serokkomarê Îranê Mesûd Pizîşkiyan got ku têkbirina aramiyê û aloziyên li herêmê ne di berjewendiya tu welatî de ne û dê her kesî bixe ber pirsgirêkan. Û got "Em li pey şer nînin, lê em ê li hemberî tu destdirêjiyekê bi destên girêdayî nemînin û emê bersivê bidin.

Hejmareke mezin a mûşekan xistin
Ji aliyê xwe ve, kanala Fox Newsê bi rêya çavkaniyekî amerîkî ragihand ku Îranê êrîş birine ser hêzên amerîkî yên li Urdunê bi awayê bersivdayîna êrîşên ku artêşa Amerîkayê li dijî armancên îranî li girava Larkê pêk anîbûn.
Kanalas amerîkî da xuyakirin ku hêzên amerîkî di esmanê Urdunê de hejmareke mezin ji mûşekên îranî girtine.

Sentkom: Îran mînan diçîne
Fermandariya Navendî ya Amerîkayê (Sentkom) di daxuyaniyekê de li ser platforma Xê ragihand ku hêzên wê li dijî hêzên çandina mînan ên girêdayî Pasdarên Îranê ku li tengava Hurmizê metirsiyeke nêzîk çêdikirin, tedbîreke sînorkirî û hûr girtine. Wê zêde kir ku "Îran bixwe ev metirsî çêkiriye, û artêşa Amerîkayê ji bo parastina deryavanên sivîl, bazirganiya deryayî û azadiya tevgera bazirganiya cîhanî ew rakiriye.

Fermandariya Navendî tiştên ku di daxuyaniya Pasdarên Îranê de hatibûn gotin ku êrîşên ku hêzên amerîkî ji bo pêşîgirtina li Pasdaran di çandina mînan de li tengavê pêk anîne wekî "pêkanîneke dijminane" binav dikin, bi "îdiayeke bi tevahî derew" bi nav kir.

PUKMEDIA