Îlham Ehmed: Xebata pêşîn dê misogerkirina mafên kurdan be di destûrê de

ANHA

Îlham Ehmed

Berpirsa peywendiyên derve ya Rêveberiya Xweser Îlham Ehmed ragihand, parastina zimanê Kurdî û misogerkirina mafên Kurdan di destûrê de dê pêşîniyên sereke yên xebata wan a di qonaxa dahatî de be.

Îlham Ehmed got: Temamkirina tevlîbûna Hêzên Sûriyeya Demokratîk û saziyên rêveberiya Xweser, nayê wê wateyê ku hemû dosyayên din bi dawî bûne, her wiha destnîşan kir ku, di hevdîtinên wan ên dawî li Şamê, li ser çend dosyayên girêdayî qonaxa nû ya siyasî axivîne û di serî de perwerdehiya bi zimanê dayikê û mafên destûrî yên kurdan.

Ehmed, tekez kir ku, xebata herî mezin dê parastina ziman û mafên kurdan be di destûra nû ya Sûriyê de, derbarê proseya tevlîbûnê de jî, Îlham Ehmed da zanîn ku bidawîbûna proseya tevlîbûnê nayê wateya çareserkirina hemû pirsan.

Ehmed da xuyakirin ku gotûbêj li ser çend dosyayan berdewam in, di nav de tevlîkirina Yekîneyên Parastina Jin, ku gotûbêjên li ser vê mijarê hîna neqediyane.

Wê her wiha anî ziman ku pirsa guhertina navê Komarê dê di çarçoveya destûrê de bê gotûbêjkirin, bi amajekirina bi wan dosyayan ku ew bawer dike dê di nav rêça destûrî û siyasî ya qonaxa bê de werin yekalîkirin.

Derbarê koçberên Serê Kaniyê de jî, aşkere kir ku vegera wan a ji bo warên wan dê bi awayekî rêxistinkirî pêk were, û tekezî li ser girîngiya çareserkirina dosyaya vegerê di nav rêkûpêkiyan de kir ku aramiya navçeyê û mafên koçberan misoger bikin.

PUKMEDIA