Li Rojava daxwaza bicihkirina zimanê kurdî di destûrê de dikin

ANHA

Xwepêşandanên zimanê kurdî

Piştî biryara Wezareta Perwerdê ya hikûmeta demkî ya Sûriyê ku xwendina bi zimanê kurdî wek dersên hilbijarde destnîşan kiriye, nerazîbûna li bajarê Rojavayê Kurdistanê dest pê kirin û xwendekar daxwaza bicihkirina xwendina zimanê kurdî di destûrê de dikin.

Li bajarên Hesekê û Qamişloyê û Kobaniyê xwepêşandanên hatin lidarxistin û mamosteyên zimanê kurdî, xwendekar û malbatên wan tê de beşdar bûn, wekî redkirina biryara Wezareta Perwerde û Fêrkirinê ya Sûriyê ji bo veqetandina sê demjimêrên heftane ji bo xwendina zimanê kurdî û pejirandina wê wekî babeteke bijarte.

Xwepêşader daxwaza guhertina biryarê û pejirandina zimanê kurdî wekî zimanekî bingehîn di perwerdehiyê de dikin û daxwaza misogerkirina mafê xwendinê bi riya wê û bicihkirina wê di destûrê de wekî zimanekî fermî.

Li Kobanê jî Partiyên Siyasî yê kurd bi daxuyaniyekê nerazîbûna xwe li hemberî biryara derbarê xwendina zimanê kurdî de anîn ziman û tekez kirin ku ev biryar mafê xwendekarên kurd ê xwendina bi zimanê wan ê dayikê pêk nayîne, û daxwaz kirin ku bernameyên xwendinê bi zimanê kurdî li dibistanan werin pejirandin û ev maf bi awayekî destûrî û saziyî bê misogerkirin.

PUKMEDIA