NY rojek navneteweyî ji bo rêzgirtina li jinên ku li kesên winda digerin pesend kir

NY

NY rojek navneteweyî ji bo rêzgirtina li jinên ku li kesên winda digerin pesend kir

Civata Giştî ya Neteweyên Yekbûyî proje yasayek ku ji hêla Sûriyê ve hatie pêşkêş kirin, pesend kir daku 19ê Kanûna Pêşîn ya her salê wekî Roja Navneteweyî ya Rêzgirtina li Jinên ku li Kesên Winda digerin were ragihandin, di pêngavekê deku armanc dike ku êşa jinên ku hewldanên xwe ji bo lêgerîna çarenûsa xizmên xwe yên winda li çaraliyê cîhanê terxan kirine, were ronîkirin.

Nûnerê Herdemî yê Sûriyê li Neteweyên Yekbûyî, Îbrahîm Elebî, di civîna Lijneya Giştî de got ku welatê wî "ji qonaxeke tarî ku ev êş têde dihat înkarkirin û êşa qurbaniyên wê dihat paşguhkirin, derbazî qonaxeke ku ronahîyê dihewîne bûye", û tekez kir ku Sûriye kar dike ku vê pirsgirêkê "bi şefafiyeteke tevahî" çareser bike û piştgiriya navneteweyî seferber bike daku alîkariya kesên ku ji wê bandor bûne bike.

Her weha amaje bi wê yekê kir ku,gelek jin, di nav de jinên Sûrî, bi yek ji mezintirîn qeyranên kesên winda di dîroka nûjen de re rû bi rû mane, berxwedana wan û rola wan di anîna vê pirsgirêkê bo forumên navneteweyî de pesnê xwe da, û destnîşan kir ku hejmarek jin ne tenê li kesên winda digerin, lê di nav windayan de jî hene.

Ji aliyê xwe ve, Wezîrê Derve yê Sûriyê Esed El-Şeybanî pêşwazî li pejirandina bi yekdengî ya biryarnameyê kir, û ew wekî reşnivîsa yekem ya ku ji aliyê Sûriyê ve di dîroka xwe ya nûjen de pêşkêşî Neteweyên Yekbûyî hatiye kirin, bi nav kir, ku veguherîna wê bo roleke bibandortir di forumên navneteweyî de û veguherandina mijareke neteweyî bo mijareke mirovî bi pîvaneke cîhanî nîşan dide.

El-Şeybanî got:Ev biryar jinên ku barê lêgerîna hezkiriyên xwe yên winda hilgirtine û bi salane li bendê man û êş kişandin bêyî ku dev ji mafê xwe yê zanîna rastiyê berdin, rêz digire, û tekez kir ku têkoşîna wan dê beşek ji rêwîtiya Sûriyê ber bi dadperweriyê ve bimîne.

PUKMEDIA