Kuştî û gelek birîndar di encama teqînekê de li gundewarê Idlibê

SOHR

Teqîna li Idlibê

Îro piştî nîvro roja Sêşemê 1/9/2026an, di dema veguhestina otomobîleke ku bi cebilxaneyan hatibû barkirin de li deriyê bajarê Binşê yê gundewarê Idlibê yê Sûriyê, teqînek çêbû, di encamê de, li gorî amarên destpêkê, du kes hatin kuştin û 8 kes jî birîndar bûn, tîmên Parastina Sivîl û Hawarçûnê operasyonên lêgerîn û derxistinê li cihê bûyerê didomînin.

Li gorî agahiyên ku ji aliyê Çavdêriya Sûriyê ya Mafên Mirovan ve hatine dayîn, teqîn di dema veguhestina otomobîla ku bi cebilxaneyan barkirî bû de rû da, û birîndar ji bo wergirtina çareseriyê rakirin nexweşxaneya leşkerî.

Çavdêriya Sûriyê zêde kir ku dengê teqînan berdewam kir, ji ber berdewamiya teqîna wan cebilxaneyên ku li ser otomobîlê bûn, di heman demê de ku stûnên dûmanê yên stûr li esmanê navçeyê bilind bûn.

Operasyonên lêgerîn û derxistinê hêj berdewam in, digel berdewamiya lêgerîna li pey windayan û xebatên ji bo derxistina birîndar û kuştiyan ji derdorê cihê bûyerê, di heman demê de ku navçe tê ewlekirin û qebareya ziyan û windahiyên mirovî yên ji ber teqînê çêbûne tên piştrastkirin.

PUKMEDIA