Serokomar: Pêkvejiyana navbera pêkhateyên Xaneqînê bingeha geşepêdanê ye

Ragihandina Serokomar

Serokomar û Şanda Xaneqînê

Serokomarê Îraqê Nizar Amêdî, îro Sêşemê 1ê Îlona 2026an, li Koşka Selam li Bexdayê, pêşwazî li şandeyeke ji rûsipî û kesayetiyên devera Xaneqînê kir.

Di hevdîtinê de, ku Wezîrê Dadê Dr. Xalid Şiwanî jî amade bû, çend pirs û mijarên têkildarî pêdiviyên xizmetguzarî û geşepêdanê yên navçeyê û rêyên bersivdayîna wan hatin gotûbêjkirin.

Serokomar tekez kir ku pêkvejiyan û biratî di navbera pêkhateyan de bingeha geşepêdana rewşê û meşa ber bi pêşveçûnê ve ye, herwiha tekezî li ser giringiya xurtkirina ruhê têgihiştin û hevkariyê kir, bi awayekî ku tevnê civakî biparêze û pêbaweriya dualî di navbera pêkhateyan de xurt bike.

Nizar Amêdî, her wiha giringiya guhdarîkirina daxwazên xelkê Xaneqînê û şopandina daxwazên wan bi rêya saziyên peywendîdar tekez kir.

Endamên şandeyê jî spasiya Serokomarê Îraqê kirin ji bo girîngîpêdana bi şopandina rewşa qezayê, û tekezî li ser giringiya berdewamkirina hewlên ji bo xurtkirina rewşa xizmetguzarî û civakî li bajêr û dabînkirina pêdiviyên xelkê wê kirin, herwiha pesnê biryara Serokomar dan ku bi hevkariya sazî û dezgehên peywendîdar peywendiyê bi daxwazên wan re dike û çareseriyên guncaw ji wan re dibîne.

PUKMEDIA