Cîgirê Serokê Herêmê bi şandeke leşkerî ya Îtalyayê re civiya

Nûsîngeha Ragihandinê

Cîgirê Serokê Herêmê û Şanda Leşkerî ya Îtaliya

Îro Sêşemê 1ê Îlona 2026an, Cîgirê Serokê Herêma Kurdistanê Şêx Cefer Şêx Mistefa pêşwazî li Kapîtal Françesko Robîno û şandeke pê re kir, bi boneya bi dawîhatina erka wî wekî berpirsê leşkerî yê hêza taybet a Îtalyayê di çarçoveya hêzên hevpeymaniya navneteweyî ya li dijî DAIŞê de.

Di hevdîtinê de, Cîgirê Serokê Herêmê spasiya erk û madîbûna Kapîtal Françesko Robîno û tîma wî ya di dema derbasbûyî de kir û hêviya serkeftinê di erk û karê wan ê pêşerojê de xwest, her wiha alîkariyên leşkerî yên Îtalyayê di pêşxistina kapasîteyên leşkerî û avakirina binkeyeke leşkerî ya taybet a perwerdehiyê ji bo Pêşmerge bilind nirxand.

Di hevdîtinê de her wiha Cîgirê Serokê Herêmê bi xêrhatin û pîrozbahiya destbikarbûnê li tîma leşkerî ya nû kir û piştevaniya Herêma Kurdistanê ji bo zêdetir pêşxistina peywendiyên di navbera her du aliyan de dubare kir.

PUKMEDIA