Zeydî daxwaza zêdekirina hilberîna petrolê li kêlgehên Herêma Kurdistanê dike

Nûsîngeha Ragihandinê

Beşekê Civînê

Serokwezîrê Îraqê Elî Zeydî tekez dike ku pêwîst e qebareya berhemanîna petrola Îraqê li gorî yedek, kapasîteya petrolî û hejmara niştecihên wê be û heta sala 2030an bigihe nêzîkî 10 milyon bermîlî, her wiha daxwaz dike ku berhemanîna petrolê li kêlgehên Herêma Kurdistanê were zêdekirin.

Li gorî nûsîngeha ragihandinê ya Serokwezîrê Îraqê, îro Serokwezîr Elî Zeydî bi amadebûna her du wezîrên darayî û neftê û hejmarek şêwirmendan, serokatiya civîneke kadroyên pêşketî yên Wezareta Petrolê kir, bi mebesta gotûbêjkirina plana stratejîk a pêşvebirin û zêdekirina berhemanîna petrolê li Îraqê ji bo salên 2027–2030an.

Di civînê de, Zeydî tekez kir ku divê qebareya berhemanîna petrola Îraqê li gorî yedek û kapasîteya wê be daku bikaribe pêdiviyên welatiyan û daxwazên geşepêdanê peyda bike; her wiha tekez kir ku girîng e jêrxan û kapasîteyên hinardekirinê bên nûkirin û pêşvebirin bi awayekî ku bi zêdebûna çaverêkirî ya berhemanînê re biguncin.

Serokwezîrê Îraqê her wiha daxwaz kir ku pêwîste berhemanîna gazê di asta pêdiviyên navxweyî de be û pêşî li windabûna wê bê girtin.

Di dawiyê de, Serokwezîrê Îraqê Elî Zeydî daxwaz kir ku berhemanîna li kêlgehên petrolê yên Herêma Kurdistanê bê zêdekirin, ligel berfirehkirina karên lêgerîn û pişkinînê û zêdekirina blokên petrolê, daku heta sala 2030an veberhênana nêzîkî 10 milyon bermîlan di rojekê de zêde bibe.

PUKMEDIA