Wezareta Derve ya Amerîka: Trump piştgiriyê dide nêrîna Serokwezîrê Îraqê

Nûsîngeha Ragihandinê

Serokê Amerîka û Serokwezîrê Îraqê

Wezareta Derve ya Amerîkayê ragihand ku Serokê Amerîkayê Donald Trump piştgiriyê dide nêrîna Serokwezîr Elî Zeydî ji bo avakirina hevkariyeke xurt di navbera Îraq û Amerîkayê de, û tekez kir ku Îraqê bi hevkariya Washingtonê re rêçeke nû ya hukimraniyê destpê kiriye.

Berdevkê Wezareta Derve ya Amerîka Tommy Pigott di daxuyaniyekê de diyar kir: Serokê Amerîka Donald Trump di dema pêşwazîkirina Serokwezîrê Îraqê Elî Zeydî de li 14ê Tîrmeha 2026an, eşkere kir ku Amerîka bi tevahî piştgiriya nêrîna Serokwezîr dike ji bo dabînkirina paşerojeke geştir ji bo hemû welatiyên Îraqê û pêşîgirtina li her êrîşekê ku li navxweya Îraqê an ji xaka wê welatî ve bê encamdan, di heman demê de daxwaza xwe ya ji bo avakirina hevkariyeke xurt di navbera her du welatan de dubare kir.

Berdevkê Wezareta Derve ya Amerîkayê her wiha da zanîn ku, Îraq bi serokatiya Elî Zeydî û bi hevahengî û hevkariya bi Amerîkayê re, qonax û rêçeke nû ya hikumraniyê destpê kiriye.

Ev yek di demekê de ye ku roja 14ê Tîrmeha 2026an, Serokê Amerîkayê Donald Trump li Koşka Spî pêşwazî li Serokwezîrê Îraqê Elî Falih Zeydî kir, û di daxuyaniyeke kurt de got: "Em ji Îraqê pir hez dikin û ev zilam bi awayê herî baş nûnertiya Îraqê dike."

PUKMEDIA