Amerîka û Îranê dest bi êrîşan kirin

PUKMEDIA

êrîşên Amerîka

Amerîkayê rêzeîrîşên esmanî birin ser bingehên leşkerî yên Îranê û sîstemên radar û parastina esmanî yên Îranê kirin armanc, di bersivê de jî, Pasdaran ragihand ku wan çend bingeh li Herêma Kurdistanê, Urdin, Behreyn û Kuweytê bombebaran kirine.

Fermandariya Navendî ya Amerîkayê (CENTCOM) di daxuyaniyekê de diyar kir ku di operasyonekê berfireh de binesaziya leşkerî ya Pasdaran a li herêmên peravê ji kar xistiye. got ku êrîşan bingehên parastina esmanî û saziyên deryayî yên artêşa Pasdaran kirine armanc.

Li gorî daxuyaniya CENTCOMê, hêzên Amerîkayê tekez dikin ku ev pêngav ji bo parastina keştiyên bazirganî û leşkerên Amerîkayê hatiye avêtin û eşkere kir ku 50 hezar leşkerên wan li Rojhilata Navîn di amadebûneke herî bilind de ne.

Ji aliyekî din ve, Îranê bersiva êrîşan da û li gorî nûçeyeke ajansa IRNAyê, binkeyeke leşkerî ya li Hewlêrê hatiye armanckirin.

Di heman demê de, Artêşa Pasdaran ragihand ku wan êrîş kiriye ser du bingehên Amerîkayê li Urdunê û firokeyên bêfirokevan ên bi navê RQ-4 û MQ-9 ên Amerîkayê xera kirine.
Di heman demê de li Kuweyt û Behreynê jî bi dron û mûşekan êrîş hatin kirin ser bingeha esmanî û berjewendiyên Amerîkayê.

Di heman demê de ajansa IRNAyê ragihand ku li Girava Sîrîkê çar welatî hatine kuştin ku yek ji wan zarok e.


PUKMEDIA