Encûmena Bilind a Dadweriyê: Lêkolîn bi DAÎŞên ku ji Sûriyê hatine veguhastin bi dawî bû

PUKMEDIA

Encûmena Bilind a Dadweriyê

Serokatiya Encumena Bilind a Dadweriyê ya Îraqê eşkere dike ku heta niha lêkolîna bi pênc hezar û 704 çekdarên DAÎŞê re bi dawî hatiye û dibêje: Ew kesên ku lêkolîn bi wan re hatiye kirin, tawanên giran kirine.

Di daxuyaniyekê de, Encmenê eşkere kiriye: Dadgeha Lêkolînê ya Kerxê ya Yekem qonaxa lêpirsîn û lêkolîna doza pênc hezar û 704 çekdarên Daîşê qedandiye, ku berê ji bakurê rojhilatê Sûriyeyê bo Îraqê hatibûn veguhestin.
Her wiha dibêje: Lêkolîn bi armanca amadekirina çekdaran e, da ku li gorî belge û tawanên wan bêne şandin bo dadgeha taybetmend.

Li gorî daxuyaniyê, lêkolînên destpêkê di sibata 2026an de dest pê kirine û lêkolîn bi rêya lêpirsîn, komkirin û hûrbînîkirina belgeyan berdewam bûn heta ku gihîştin bi dawîanîna lêkolîna bi tevahiya tawanbaran re bi armanca yekalîkirina dozên wan.

Pêvajoya hûrbîniyan diyar kiriye ku ev doz çekdarên ji 67 neteweyan di nava xwe de dihewîne; di nav de 16 neteweyên ereb, 19 netewe ji welatên Yekîtiya Ewropayê û 32 regeznameyên biyaniyên din hene.

Di heman demê de, hejmara iraqiyan di nava tawanbaran de gihîştiye sê hezar û 497 kesan û hejmara sûriyeyiyan jî 474 kes in.
Her wiha lêkolînan ew yek jî derxistine holê ku hejmarek çekdar bi encamdana tawanên giran û navneteweyî yên li dijî pêkhateya êzidî tawanbar in bi cureke şeş tawanbar rasterast berpirs bûn ji kolekirina keçên êzidî, destserkirin, veguhestin û firotina wan.

Di dawiyê de, Encumena Bilind a Dadweriyê ya Îraqê ragihandiye: Di lêkolînan de derketiye holê ku 457 girtiyên sûriyeyî ti tawan li ser wan ne hatiye yekalîkirin û rêkarên azadkirina wan dest pê kirine.



PUKMEDIA