YNKê di hilbijartina parlemana Swêdê de piştgiriya namzetên Kurd dike

PUKMEDIA

YNKê piştgiriya namzetên Kurd dike

Berpirsê Navenda Derve Salar Mehmûd û Berpirsa Burda Rêxistinên Demokratîk Emal Celal û çend namzetên Kurd yên di lîsteya Sosyal Demokratan de li Göteborg civînek li darxistin daku piştgiriyê bidin namzetên Kurd di hilbijartina parlemana Swêdê de.

Şadiya Heyderi, parlamentera berê ya Swêdê û namzeta bajarê Göteborg, spasiya Yekîtiya Nîştimaniya Kurdistanê (YNK) kir ji bo piştgiriya wê ya ji bo dîyasporaya Kurd bi giştî û pêvajoya nû ku têde çend Kurdên ji deverên Kurdistanê xwe ji bo parlemanê û civatên herêmî berbijêr kirine.

Di heman demê de, Salar Mehmûd, endamê serkirdayetî û berpirsê navenda derve, ragihand ku,hebûna me ji bo piştgiriya namzetên Kurd yên di lîsteya Sosyal Demokratan de û namzetên Kurd bi giştî di vê pêvajoyê de ye.

Her weha got:Em dîasporaya Kurd han didin ku tevlî hikûmet, parleman, rêxistinên çandî û sivîl bibin, ew ji her kesî baştir dizanin ku ev têkoşîneke modern e û ew hostayên vê têkoşînê ne; ev cûrê têkoşînê ji bo pirsgirêka Kurdistanê û peywendiyên di navbera civakan de bi çend awayan girîng e.

Berpirsê Navenda Derveyî girîngiya pêgeha Kurdên li derveyî welat wekî sermayeyek mirovî ya mezin ji bo Kurdistanê û welatên ku ew lê dijîn tekez kir.

Her weha aşkere kir ku ew dikarin nav û navûdengê Kurdistanê baştir bidin nasîn û di hişê civaka navneteweyî de bicîh bikin.

Di heman demê de, Emel Celal, Berpirsa Burda Rêxistinên Demokratîk, girîngiya vê qonax û mercên nû destnîşan kir; wekî derfetek ji bo pêkanîna erkên neteweyî di çarçoveya Yasayên derbazdar yên van welatan de û ji bo rêxistinkirina xwe di nav rêxistinên sivîl û çandî de û tekez kir ku beşdariya siyasî ya çalak a Kurdan li derveyî welêt formeke girîngtir a têkoşîna gelê me ye ji bo parastina destkeftiyên me û gihîştina armancên me û wê Kurdên li Swêdê dijîn handan ku beşdarî hilbijartinê bibin û piştgiriyê bidin namzetên Kurd yên di lîsteyan de, bi taybetî lîsteya Sosyal Demokratan.

Ji aliyekî din ve, namzetê parlamenteriyê Dr. Çiro Weledbegê spasiya Yekîtiya Niştimanî ya Kurdistanê (YNK) kir ji bo piştgiriya wê ya ji bo siyasetmedarên Kurd yên li derveyî welêt di vê demê de û ew wekî gavek erênî û girîng bi nav kir.

Ev yek di demekê de ye ku, Hilbijartina giştî yê Swêdê di 13ê Îlonê 2026 .an de dê bi rêve biçe;lê, pêvajoya dengdana destpêkê çend roj in dest pê kiriye û welatiyan ji bo beşdarbûnê serî li navendên dengdanê dane; ji bo vê hilbijartinê, çend partiyên siyasî ji bo bidestxistina piraniya kursiyên parlemana Swêdê, ku 349 kursî ne, hevrikiyê dikin.

PUKMEDIA