Mezlûm Ebdî: Kurd cara yekemîne di dîroka Sûriyê de dibin hevbeşê dewletê

Ajans

Şêwirmendê Serokatiya Komara Sûriyê Mezlûm Ebdî

Şêwirmendê Serokatiya Komara Sûriyê Mezlûm Ebdî ragihand ku, kurd di dîroka Sûriyê de cara yekemîne ku dikevin nava dewleta Sûriyeyê.

Di hevpeyvîneke rojnamevanî de derbarê tevlîkirina hêzên leşkerî yên kurdî li Rojavayê Kurdistanê bo nav artêşa Sûriyê de, Mezlûm Ebdî got: Ti tişt nehatiye guhertin û ew gotinên ku tên gotin, ku kurd û hêzên kurdî yên Sûriyê xwe radest kirine, ne rastin û ne objektîf in.

Mezlûm Ebdî tekez  kir ku: Hêzên Sûriyeya Demokratîk (HSDê) hêzek bû ku gelê kurd û xelkê deverê diparast, niha jî valahiyeke siyasî çêbûye û pêwîst e bi rêya xebata siyasî û avakirina partiyeke siyasî, ew valahiya ku çêbûye bê tije kirin.

Ebdî, derbarê pêvajoya tevlîbûna saziyên Rêveberiya Xweser ya Rojavayê  Kurdistanê jî di nava saziyên dewleta Sûriyê de axivî û got: Di nava 100 salên borî de cara yekemîne kurd dibin beşek ji dewleta Sûriyê û bê guman komek alingariyên mezin jî li pêşiya me hene û pêwîstî bi xebateke nû heye.

PUKMEDIA