Serokwezîra berê ya Siwêdê spasiya Kurd û YNKê dike

PUKMEDIA

Seroka Partiya Sosyal Demokrat a Siwêdê Magdalena Andersson

Seroka Partiya Sosyal Demokrat û Serokwezîra berê ya Siwêdê, Magdalena Andersson di civîneke girseyî û berfireh de li Stokholmê paytexta Siwêdê, daxwaza piştgirî û dengdayînê ji bo Partiya Sosyal Demokrat kir ji bo her sê hilbijartinên Siwêdê.
Her weha wê serketina Sosyal Demokratan wekî mîsogeriya parastina demokrasiyê bi nav kir, û di heman demê de spasiya gelê kurd û Yekîtiya Nîştimanî ya Kurdistanê YNKê kir ji bo piştgirî û alîkariya wan a ji bo Sosyal Demokratan.

Seroka Partiya Sosyal Demokrat û Serokwezîra Berê ya Swêdê Magdalena Andersson, daxuyaniyek da Kenala Gelê Kurdistanê û got: Ez serbilind im bi wê nîşaneya ku min li bajarê Örebro girtiye (mebesta wê logoya hevbeş a Yekîtiya Nîştimanî ya Kurdistanê û Sosyal Demokratan e). Gelek kurd xwediyê têgihiştineke aqilmend in ji bo siyasetê, her wiha siyaseteke me ya baş ji bo hemwelatiyan bi giştî heye, di nav wan de jî ew kesên ku ji Kurdistanê hatine.

Got jî: Ez bawer dikim şandeya Yekîtiya Nîştimanî ya  Kurdistanê YNKê li Siwêdê karekî pir baş dikin, girîng e ku pirranî bi hev re bibin piştgir, ji ber ku Siwêd bi hilbijartineke girîng re derbas dibe.

Tekez jî kir ku: Eger ez bibim Serokwezîra pêşerojê ya Siwêdê, ez ê welat di demekî tijî bêîstiqrar de li dora hev kom bikim û yek bixim. Yan jî alternatîf ev e ku, hikûmeteke wisa hebe ku di bin siya Partiya Demokratên Siwêdê (SD) de bixebite, ku bingeha wê ya îdeolojîk li ser cudakarî û qutbûnê ye û gotara tijî kîn belav dike. Her wiha ew partiyeke ku siyaseta wê derxistina zarokên deh salî ye ku li Siwêdê mezin bûne, hay ji jiyana xwe hene û bi başî dijîn; ev partî dixwazin destûrê rûniştinê yê mayînde ji wan bistînin, ev jî li dijî bingehên sereke yên Siwêdê ye ku em jê re dibêjin 'erê ji bo mayînê' — mebest jê ew e ku sozê me yê dayî nayê guhertin û divê destûra rûniştinê ya ku hatiye dayîn neguhêrbar be.

Di berdewamiyaaxaftinaxwe de got: Hemû mirovên li cîhanê xwediyê wî mafî ne ku bi aşitî û azadî bijîn û biryarê bidin li ser çarenûsa pêşeroja xwe. Bê guman ez jî wekî Serokwezîr ez ê heman rêbazê bişopînim ku partiya min li ser xebitiye, û pêwendiyeke min a baş û nêzîk dê bi organên kurdî re li Swêdê û her wiha bi Kurdistanê re hebe, bi rastî ez pir hez dikim ku serdana Kurdistanê jî bikim.

Di dawiyê de Magdalena Andersson ragihand: Deng bidin Partiya Sosyal Demokrat! Rêjeya dengdêrên aliyan (blokan) nêzîkî hev dibe. Eger hûn piştrast in ku hûn dixwazin ez bibim Serokwezîra Siwêdê, deng bidin Sosyal Demokratan."

PUKMEDIA