Piştî şer cara yekeme hinardeya petrola Îraqê dighêje 70 milyon bermîlan

Reuters

Xetên guhastina petrolê

Wezareta Petrolê eşkere kir ku di meha Tebaxa borî de bilindtirîn rêjeya hinardekirina petrolê hatiye tomarkirin, ku gihîştiye nêzîkî 70 milyon bermîlan; ev yek jî cara ewil e ji dema destpêkirina şer û qeyrana Tengava Hurmizê ve çêdibe, her wiha tekez kir ku hilberîna niha rojane digihîje 3 milyon bermîlan.

Ajansa Nûçeyan a Fermî ya Îraqê ji zarê Berdevkê Fermî yê Wezareta Petrolê Selîm Rikabî ragihand: Rêjeya hilberîna petrola xav a Îraqê rojane ji 3 milyon bermîlî zêdetir bûye, di heman demê de rêjeya hinardekirina petrola xav di meha Tebaxa borî de rojane ji 2 milyon û 200 hezar bermîlî zêdetir bûye, û da xuyakirin ku "rêjeya hinardekirina berhemê rûnê sotemeniyê gihîştiye nêzîkî 30 hezar metre kûpî di rojekê de."

Selîm Rikabî zêde kir û got "hinardeyên petrolê yên Îraqê di meha Tebaxê de nêzîkî 70 milyon bermîlên petrola xav bûn, bi dahateke destpêkê ya ku ji destpêka şer ve ya herî bilind e û gihîştiye nêzîkî 4 milyar û 500 milyon dolaran, û bal kişand ser wê yekê ku ,"ev hejmar girîngiya sektora petrolê û rola wê di piştgiriya aboriya niştimanî û zêdekirina dahatên giştî yên dewletê de nîşan didin."

Berdevkê Wezareta Petrolê zelal kir ku "Îraq di çarçoveya planên xwe yên stratejîk de ber bi hinardekirina petrola xwe ya xav ve bi rêya deryayê ji derveyî tengavê diçe; bi armanca zêdekirina nirxê bazarê yê petrola Îraqê, bilindkirina bihayên firotinê û mezinkirina dahatên hatine bidestxistin, ligel xurtkirina nermbûna dergehên hinardekirinê û misogerkirina berdewamiya pêvajoyên hinardekirinê."

PUKMEDIA