Trump: Şerê Îranê tiştekî hêsane û me serkeftinên mezin bi dest xistin

PUKMEDIA

Serokê Amerîkayê Donald Trump

Serokê Amerîkayê Donald Trump, giringiya rûbirûbûna leşkerî ya bi Îranê re kêm girt û ew wekî "tiştekî hêsan" bi nav kir, ev yek rojekê piştî daxuyaniya cîgirê wî JD Vance hat ku gotibû ew pevçûna heyî wekî "şer" nabîne.

Trump di bersiva pirsekê de li ser helwesta Vance, ji rojnamevannan re li Qesra Spî ragihand ku gelek kes vî şerî bi nav nakin û got: Ez jêre dibêjim pevçûneke leşkerî", û piştre diyar kir ku ev yek ji bo Amerîkayê ne pirsgirêkeke mezin e. herweha behsa  wê operasyonê kir ku welatê wî li Venezuelayê pêk anîbû, ew bi rûbirûbûna niha ya bi Îranê re da ber hev û diyar kir ku Waşintonê di her du rewşan de jî serkeftineke mezin bi dest xistiye.

Daxuyaniyên Trump piştî pêla nû ya aloziyê li Rojhilata Navîn hatin, di demekê de ku pevçûna bi Îranê re ketiye meha xwe ya heftemîn û hilbijartinên nîvdemî yên Kongreya Amerîkayê ku di meha Mijdarê de tên lidarxistin jî nêzîk dibin.

Wî her wiha dubare kir ku DYA'yê serdestî li ser Tengava Hurmizê daniye û zirarên mezin gihandiye hêzên Îranî û got: Tiştê ku me kir ecêb bû.

Serokê Amerîkayê careke din tekez kir ku operasyonên leşkerî rê li ber Îranê girtin ku xwedî çekên navokî derkeve, ku ev yek jî yek ji hincetên herî girîng e ku rêveberiya wî ji bo rewakirina vê rûbirûbûna berdewam pêşkêş kiriye.

Trump ev daxuyanî di merasîmekê de li Koşka Spî dan ji bo îmzekirina du biryarnameyên têkildarî çareserkirina pirsgirêkên goştê golikan, bi amadebûna çend xwediyên pez û dewarên ku ji bo vê bûyerê hatibûn vexwendin.

PUKMEDIA