Elmanya.. Serkeftineke dîrokî ji bo partiya Yemînî di hilbijartinên herêmeke rojhilat de

AFP

Namzedê Partiya Alternatîf ji bo Almanyayê Ulrich Siegmund serketinê pîroz dike

Partiya "Alternatîf ji bo Almanyayê" serkeftina xwe di hilbijartinên eyaleta Sachsen-Anhalt a li rojhilatê welat de ragihand, piştî ku bi ferqeke mezin di encamên pêşîn de derket pêş, lê belê di misogerkirina piraniya kursiyên parlamentoya eyaletê de biser nexist.

Encamên pêşîn ên ku serê sibê îro Duşemê hatin weşandin nîşan dan ku "Alternatîf ji bo Almanyayê" ji sedî 43.8ê dengan bi dest xistiye û bi ferqeke berfireh li pêşiya Demokratên Mesîhî ku ji sedî 17.2 girtine, cih girtiye.
Ofîsa herêmî ya Dezgeha Îstixbarata Navxweyî ya Almanyayê, partiya "Alternatîf ji bo Almanyayê" wekî "komeke tundrew" binav dike. Tevî ku partî di encamên hilbijartinan de bû yekem, lê nasnameya aliyê ku dê hikûmeta pêşerojê li Sachsen-Anhaltê birêve bibe hêj ne diyar e.

Encamekî rapirsiyekê ku ji aliyê Saziya Radyo û Televizyona Almanyayê "ARD" ve hatiye kirin nîşan da ku 87% ji dengdêrên vî welatî ji xebata hikûmeta federal ne razî ne.

PUKMEDIA