Ewropa 33 hezar penaber vegerandin welatên wan

Reuters

Belemeke Penaberan

Ajansa Parêzvanên Sînor û Deryayî ya Ewropayê "Frontex" îro Duşemê ragihand ku di nîvê yekemê îsal a 2026an de alîkariya welatên Yekîtiya Ewropayê kiriye da ku zêdetirî 33 hezar penaberên neyasayî vegerînin welatên xwe, li hemberî nêzîkî 30 hezarî di heman demê de sala 2025an.

Ajansê diyar kir ku 21 hezar ji wan bi dilê xwe vegeriyane, li gorî nêzîkî 19 hezarî di nîvê yekem ê sala borî de, û da xuyakirin ku tedbîrên vegerandinê piştî ku kesekî hemû vebijarkên yasayî yên mayîna li Yekîtiya Ewropayê bi dawî kir, dest pê dikin.

Efserên "Frontex"ê yên ku li balafirgehên 11 welatên Ewropî hatine bicihkirin, alîkariya derxistina belgeyên rêwîtiyê yên ji welatên resen ên koçberan dikin, ligel girtina destê karên îdarî û lojîstîkî yên geştên vegerê.

Tirkiye, Sûriye û Gurcistan di lîsteya wan welatêne ku welatiyên wan bi alîkariya ajansê hatine vegerandin de serî girtin, di dema ku Almanya, Fransa û Qibrisê mezintirîn hejmara operasyonên vegerandinê tomar kirin.

Welatên Yekîtiya Ewropayê dixwazin ku di nîvê duyem ê salê de, bi hev re bi pêkanîna peymana nû ya koçberî û penaberiyê, operasyonên vegerandina koçberan zêde bikin.

Her wiha Danîmark, Almanya, Holenda, Nemsa û Yewnanistan dixwazin bi welatên derveyî Yekîtiya Ewropayê re bigihên lihevkirinekê ji bo avakirina "navendên vegerê" ku kesên daxwazên wan ên penaberiyê an rûniştinê hatine redkirin, pêşwazî bikin.

PUKMEDIA