Serokkomar girîngiya pêşxistina hevkariya bi Amerîkayê re tekez dike

Ragihandina Serokomar

Serokkomar û Karbidestê Karên Balyozxaneya Amerîka

Îro roja Sêşemê 8ê Îlonê 2026an, Serokkomarê Îraqê Nizar Amêdî li Bexdayê pêşwazî li Karbidestê Karên Balyozxaneya Amerîkayê yê nû li Îraqê Stephen Fagen kir.

Di hevdîtinê de, pêwendiyên dualî yên di navbera Îraq û Amerîkayê de, rêyên pêşvebirina wan, her wiha pêşhatên herêmî û çend pirsên cihê giringiya hevbeş hatin gotûbêjkirin.

Serokkomar tekezî li ser girîngiya berdewamiya xebatên ji bo pêşxistina hevkariya di navbera her du welatan de li warên siyasî, aborî û geşepêdanê kir, bi awayekî ku bibe alîkar ji bo piştgiriya ewlekarî û aramiya Îraqê, û hêviya serkeftinê ji Fagen re di erka wî ya nû de xwest.

Ji aliyê xwe ve, Stephen Fagen tekezî li ser daxwaza welatê xwe kir ji bo berdewamkirina hevkariyê bi Îraqê re û pêşvebirina pêwendiyên dualî bi rengekî ku xizmeta her du welatan bike, û pesnê giringiya hevparbûna di navbera her du aliyan de li warên cuda da.

PUKMEDIA