Li Brîtanyayê 1 hezar û 477 geştên asmanî hatin hilweşandin

PUKMEDIA

Frokexane

Ji ber pirsgêreke teknîkî ya di tevgera balafiran de zêdetirî 1 hezar û 477 geştên asmanî li Brîtanyayê hatin hilweşîn û desteya frokevaniyê ya wî welatî jî hewl dide ku pirsgirêkê çareser bike.

Li gorî malpera Flayt Radar ku çavdêriya tevgera balafiran dike, îro di 9ê Îlona 2026an de li Brîtanyayê 177 geştên asmanî hatin betalkirin, di heman demê de her ji ber pirsgêreke teknîkî ya di warê çavdêriyê de duh jî 1 hezar û 300 geştên din hatin betalkirin.

Ji aliyekî din ve, Desteya Niştimanî ya Xizmetguzariyên Balafirvaniyê di daxuyaniyekê de da diyarkirin: ku hewldanên ji bo çareserkirina pirsgêrê berdewam in.

Her wiha ragihand: Prosesa çêkirinê ya sîstema balafirvaniyê gelekî zehmet û aloz e û pêwîstiya wê bi demeke zêde heye, ji lewma daxwaz ji geştiyaran kir ku beriya geştên xwe serdana kompaniyên balafirvaniyê bikin, da ku li balafirgehêli bendê nemînin.

Ev yek di demekê de ye ku di meha Tîrmeha îsal de pirsgirêk di sîstema balafirvaniyê ya Brîtanyayê de derket holê û ji ber wê bi dehan geşt hatin betalkirin, lê belê mezintirîn pirsgirêk di sîstema çavdêriyê de di sala 2023an de derket holê ku ji ber wê geştên zêdetirî 700 hezar geştiyaran hatibûn betalkirin.

PUKMEDIA