Serokwezîr bi banga fermî ya Emmanuel Macron serdana Fransayê dike

PUKMEDIA

Serok Wezîr

Ofîsa ragihandinê ya Serokwezîrê Federal îro Înê ragihand ku Serokwezîr Elî Falih El-Zêdî dê roja Yekşema bê bi banga Serokê Fransayê Emmanuel Macron serdana Fransayê bike.

Ofîsa ragihandinê ya Serokwezîr di daxuyaniyekê de diyar kir ku "Serokwezîr Elî El-Zeydî dê roja Yekşema bê, 13ê vê mehê Îlonê bi banga Serokê Fransayê Emmanuel Macron dest bi serdaneke fermî bo Fransayê bike.
Daxuyaniyê da zanîn ku: Ev serdan di çarçoveya xurtkirina têkiliyên dualî yên di navbera Îraq û Fransayê de, û gotûbêjkirina rêyên berfirehkirina hevparî di war û sektorên cûrbecûr de, di serî de enerjî û ewlehî, tê.

Wê zêde kir ku El-Zeydî dê roja Duşema bê, 14ê Îlonê bi Serokê Fransayê Macron re bicive û ew ê hejmarek dosya û pirsên herêmî û navneteweyî yên xwedî berjewendiya hevbeş gotûbêj bikin.

Wê da diyar kirin ku "Her du alî dê serokatiya rûniştina danûstandinên berfireh ên ku dê ji aliyê şandên Îraqî û Fransî ve bên kirin bikin, daku bingehên girêdana hevparîyên nû di navbera Bexda û Parîsê de deynin, û çarçoveyên giştî yên hevkariya dualî di warên aborî, ewlehî, enerjî, perwerde û warên din de gotûbêj bikin, bi awayekî ku beşdarî rûbirûbûna kêşeyên cihêreng ên herêmî û navneteweyî bibe. Her wiha ew ê çavdêriya merasîma îmzekirina hejmarek yadeştnameya têgihiştinê di çend sektoran de bikin.

PUKMEDIA