Ji ber lehiya li Nepalê hezar û 385 kesan canê xwe dane

Ajans

Dîmenek ji lehiyê

Hikûmeta Nepalê di daxuyaniyekê de ragihand ku heya niha li Nepalê zêdetirî hezar û 380 kesan ji ber lehiyê canê xwe ji dest dane.

Hikûmeta Nepalê amara herî dawî ya karesata lehiyê ya ku ji ber herifîna qeşayê rû dabû bi daxuyaniyekê eşkere kir û li gorî wê yekê heta niha hezar û 385 kes ji ber lehiyê canê xwe ji dest dane û ji bo avakirina welat hewcedarî bi 4,78 milyar dolaran heye.

Daneyên nû yên derbarê karesata mezin a lehiyê ya ku di 26'ê Tebaxa 2026'an de li Nepalê qewimîbû, hatin parvekirin,li gorî rapora fermî ya RDNA (Nirxandina Bilez ya Zirar û Hewcedariyan) ku di 11'ê Îlonê de ji aliyê rayedarên welat ve hat weşandin, encamên karesatê gelekî giran in.

Li gorî daxuyaniyê, heta niha nasnameya hezar û 385 kesên ku jiyana xwe ji dest dane hatine piştrastkirin û hîna jî çarenûsa nêzîkî 5 hezar kesên wenda ne diyare.

Hikûmeta wî welatî aşkjere kir ku ji bo sererastkirina binesaziyê, avakirina xaniyan û alîkariya tenduristiyê herî kêm 4,78 milyar dolaran hewce ye.

Serokwezîrê Nepalê bal kişand ser bandora neyînî ya guherîna avhewayê û bang li civaka navneteweyî û welatên dewlemend kir ku bi lezgînî destê alîkariyê dirêjî Nepalê bikin.

PUKMEDIA