Pesin û nirxandinên berfireh ji bo rola Serok Bafil û YNK

PUKMEDIA

Bafil Celal Talebanî

Serdan û civînên Serokê Yekîtiya Nîştimanî ya Kurdistanê (YNK) birêz Bafil Celal Talebanî nema tenê dibin civînên protokolî, lê belê veguherîne rêçikeke siyasî ya cîgir ku bawereke kûr nîşan dide ku çareserkirina pirsgirêk û kêşeyan bi diyalog û têgihiştinê dest pê dike, dûrî vebijarkên din.

Rêzehevdîtinên ku Serok Bafil Celal Talebanî di van demên dawî de pêk anîne û serdana wî ya niha bo Komara Îslamiya Îranê, girîngiya rola Yekîtiya Nîştimanî wekî pireke diyalogê û nêzîkkirina aliyên ciyawaz, û pêşxistina zimanê diyalogê tekez dikin. Li vir, her kes pesnê rola Serok Bafil Celal Talebanî û Yekîtiya Nîştimanî ya Kurdistanê dide di warê xurtkirina aştiyê, parastina aramiyê û piştgiriya têgihiştin û diyalogê de ji bo çareserkirina hemû pirsgirêkan.

Rola Serok Bafil Celal Talebanî û Yekîtiya Nîştimanî tê nirxandin

Bafil Celal Talebanî Serokê Yekîtiya Nîştimanî ya Kurdistanê li Tehranê digel Wezîrê Derve yê Komara Îslamî ya Îranê Ebas Eraqçî civiya.

Di civînê de ku şandeke payebilind ya YNKê jî amade bû, pêşketinên dawî yên siyasî û leşkerî yên li herêmê hatin gotûbêj kirin.

Bafil Celal Talebanî tekez kir ku pêwîstiya pirsgirêkan bi çareseriyeke aştiyane û diyalogeke berdewam heye.

Bafil Celal Talebanî, Serokê Yekîtiya Nîştimanî ya Kurdistanê (YNK), tekez li ser hewldanên berdewam yên YNKê kir ji bo xurtkirina aştiyê û kêmkirina aloziyan û ragihand ku,Herêma Kurdistanê rêzê li ewlehî û serweriya welatên hevsê digire û dîrokeke hevpar û kevnar bi gelê Îranê re heye.

Ji aliyê xwe ve, Wezîrê Derve yê Komara Îsalamî ya Îranê pêzanînên xwe ji bo rola Bafil Celal Talebanî û Yekîtiya Niştimaniya Kurdistanê (YNK) di hewildanên wan de ji bo parastina aramiyê li Herêma Kurdistanê, Îraq û herêmê nîşan da.

Roleke girîng di hevsengiyên siyasî de

Serokê Yekîtiya Nîştimanî ya Kurdistanê Bafil Celal Talebanî, li Tehranê bi Mihemed Baqir Qalîbaf, Serokê Encûmena Şûraya Îslamî ya Îranê re civiya.

Di civînê de ku şandeke bilind a YNKê amade bû, behsa peywendiyên duqolî û çawaniya pêşxistina wan hat kirin, bi rengekî ku xizmeta berjewendiyên hevpar ên herdû aliyan û çespandina asayîş û aramiyê bike.

Bafil Celal Talebanî tekez kir, ku Herêma Kurdistanê nabe beşek ji tu şer û aloziyekê, belku divê hemû hewl ji bo parastina aramiyê û kêmkirina rageşî û aloziyan bin.

Ji aliyê xwe ve, Serokê Encûmena Şûraya Îslamî ya Îranê pêgeha YNKê di hevkêşeyên siyasî de bi girîng zanî û amadebûna xwe ji bo piştgiriya her pêngavekê nîşan da ku bibe sedema xurtkirina peywendiyên di navbera her du aliyan de.

Nêzîkkirina nêrînan

Bafil Celal Talebanî, Serokê Yekîtiya Nîştimaniya Kurdistanê (YNK) li Tehranê digel Elî Ekber Wîlayetî, Şêwirmendê Payebilind yê Rêberê Olî bo Karûbarên Navneteweyî civiya.

Di civînê de, ku şandeke payebilind ya YNKê jî amade bû, li ser rewşa siyasî û ewlehî ya herêmê û rêbazên parastina aramiyê nêrîn pev hatin guhertin;her wiha tekezî li ser parastina berjewendiyên hevpar û xurtkirina cîrantiya baş hate kirin.

Bafil Celal Talebanî siyaseta Yekîtiya Nîştîmanî ya Kurdistanê (YNK) di vê qonaxê de zelal kir û ragihand ku Herêma Kurdistanê û Îraq dê nebin beşek ji vê pevçûnan; li şûna wê, pêngavên wan dê berdewam bin ji bo aramkirina rewşê û misogerkirina aramiyê.

Ji aliyê xwe ve Dr.Elî Ekber Wîlayetî bi rêzdarî behsa bîranîna Serok Mam Celal kir ku ewwekî endezyarekî peywendiyên dîrokî û dostane di navbera Komara Îslamî ya Îranê, Herêma Kurdistanê û YNKê de.

Di heman demê de pêzanînên xwe ji bo Bafil Celal Talebanî nîşan da wekî berdewamiya vê riya jîrane û rola wî di nêzîkkirina nêrînan û parastina aştiyê li Herêma Kurdistanê,Îraq û herêmê de bilind nirxan.


PUKMEDIA