Şêwekarekî Serêkaniyê nêzî pênc hezar tablo kişandiye

Kurdistanî Nwê

Hunermend Elî Seîd

Hunermendekî şêwekar ê Rojavayê Kurdistanê xwediyê nêzî pênc hezar tablo û berhemên hunerî ye û beşdarî di nêzî 11 pêşangehên taybet û giştî de kiriye.

Elî Seîd, hunermendê şêwekar li bajarê Qamişlo, ji rojnameya Kurdistana Nwê re axivî û got:Ji zarokatiya xwe ve hezkirineke min a taybet ji bo hunera nîgarkêşiyê re hebûye, di qonaxa seretayî de bi ceribandina hunerî ya wênekêşiyê min şiyanên xwe pêş xistin, piştre gav bi gav pêşve çû û bû bingehê destpêkirina karê min ê pîşeyî di warê nîgarkêşiyê de.

Wî her wiha got: Li Şamê min zêdetir girîngî da hunera şêwekarî û min pêşangeha xwe ya yekem a şêwekarî di sala 1993an de li bajarê Serêkaniyê ya Rojavayê Kurdistanê vekir, ji wê demê ve heta niha min beşdarî di 11 pêşangehên taybet û giştî de kiriye, li Şamê û bajarên din ên Sûriyê û Rojavayê Kurdistanê bi giştî, her wiha karên min ên hunerî daxwazeke wan a taybet heye û ez xwediyê nêzî pênc hezar tablo û berhemên hunerî me, ku beşek ji wan derbarê çand û sirûşta Serêkaniyê û Kurdistanê de ne bi giştî.

Elî Seîd got jî: Destpêka karê min ê hunerî yê nîgarkêşiyê li ser kincên jinên kurd û folklora kurdî bû, lê piştî dagirkirina Serêkaniyê di sala 2019an de, wekî bi hezaran xelkên din ê navçeya me, ez bûm penaber li bajarê Qamişlo, her çendî ji ber penaberiyê em di rewşeke aborî ya xirab de bûn, lê min dest ji hunera xwe berneda.

Di dawiyê de jî got: Hunera nîgarkêşiyê girîngiyeke wê ya taybet heye û di rêya wê ve çand û resenatiya miletan tê naskirin, bi taybetî ji bo neteweyeke mezlûm û stêmlêkirî yê wekî kurd ku wekî hemû gelên cîhanê xwediyê dîrok, naskirin û mafekî bingehîn ê mirovahiyê ne û em xwediyê ax û alaya taybet a xwe ne, ji bilî wê jî peyama hunera şêwekarî ji gulle bi hêztir e.

Hunermendê şêwekar Elî Seîd di sala 1973an de li bajarê Serêkaniyê yê Rojavayê Kurdistanê ji dayik bûye, xwendina seretayî û navendî li bajarê xwe qedandiye û bawernameya zanîngehê li Şamê bi dest xistiye.

PUKMEDIA/ Kurdistanî Nwê