CENTCOM: Zêdetirî milyarek bermîl petrol di Tengava Hurmizê derbas bûye

CENTCOM

Helîkoptereke Amerîkî

CENTCOM radigihîne: Di demê du mehên borî de me piştevaniya veguhastina zêdetirî milyarek bermîlên petrola xav ji welatên Kendavê ve bi rêya Tengava Hurmizê kiriye.

Îro 19.09.2026an, di daxuyaniyekê de Fermandarê Fermandariya Navendî ya Amerîkayê (CENTCOM)Admîral Brad Cooper, ragihand: Ev destkeftî hevdem bûye bi dabînkirina derbasbûna zêdetirî 2 hezar gemiyên bazirganî di tengavê re, bi rêya dabînkirina parastineke hevrêzkirî.

Wî her wiha ragihand: Rêrewên sereke yên derbasbûnê li tengavê ji mînan hatine paqijkirin û bi hezaran gemî têre derbas bûne, û da zanîn ku zêdetirî milyarek bermîlên petrola xav a welatên Kendavê yên hevbeş bi rêya Tengava Hurmizê hatine barkirin.

Cooper her wiha diyar kir ku ji ber dorpêça me ya tund, Îranê nekariye yek bermîlek jî henarde bike, da xuyakirin jî ku qebareya petrola xav, kelûpel û gaza sirûştî ya şil jî di demê du hefteyên borî de rêjeyek tomar kiriye, ku ji şeş mehên borî zêdetir e.

Fermandarê Fermandariya Navendî ya Amerîkayê her wiha ragihand ku hêzên Amerîkayê bi hemû hevparên li navçeyê re dixebitin ji bo xurtkirin û pêşxistina kapasîteyên parastina asmênî û avakirina yekeyeke nû ya hevalbendiyê ya taybet bi firokeyên bêmirov ên êrîşkar û parastina Tengava Hurmizê û navçeyên avî yên derdora wê, bi awayekî vekirî û ewle.

PUKMEDIA