El-Zeydî dê helwestên Îraqê yên li hemberî geşedanên herêmî û navneteweyî li New Yorkê bixe rojevê

PUKMEDIA

Elî Zeydî

Serokwezîrê Îraqê Elî Falih El-Zeydî, di Demeke zû îro Duşemê de, ber bi New Yorkê ve bi rê ket da ku beşdarî civînên gera 81an a Komeleya Giştî ya Neteweyên Yekbûyî bibe û gotara Îraqê li pêşberî nûnerên welatên endam ên rêxistina navneteweyî pêşkêş bike.

Li gorî daxuyaniyekê ku ji aliyê buroya wî ve hatiye dayîn, El-Zeydî dê di dema gotara xwe de, helwestên Îraqê yên li hemberî geşedan û qeyranên herêmî û navneteweyî, û her wiha rêbaza hikûmeta Îraqê di çareserkirina astengiyên aborî û pêşvebirinê de ku Îraq wan derbas dike, bixe rojevê.

Daxuyaniyê zêde kir ku Serokwezîr dê gavên xurt û berbiçav ên ku Îraq di warên çaksaziya aborî, bidestxistina cihêrengiyê di çavkaniyên dahat û berhema neteweyî de, çareserkirina gendeliyê, vekirina deriyan li ber veberhênanê û piştrastkirina serweriya neteweyî de digire dest, nîşan bide.

Her wiha da zanîn ku "Serokwezîr dê hejmarek hevdîtin û danûstandinên dualî bi hejmarek ji serokên welatan, serokwezîr û serokên şandeyên beşdar re pêk bîne, ku ev hevdîtin dê li ser têkiliyên di navbera Îraqê û wan welatên birayî û dost de, û derfetên avakirin û xurtkirina hevkariya aborî ji bo berjewendiyên hevbeş, rawestin.


PUKMEDIA