Qubad Talebanî: Yekxistina hêzên Pêşmerge pêngaveke dîrokî ye

Ragihandina Qubad Talebanî

Rûwresma Yekxistina Hêzên Pêşmerge

Qubad Talebanî radigihîne ku yekxistina hêzên 70 û 80 yên Pêşmerge di bin sîwana Wezareta Pêşmerge de pêngaveke dîrokî ye û tekez jî dike ku ew ê piştgiriya xwe berdewam bikin daku hêz ji destwerdanên siyasî û hizbî dûr bixin.

Cîgirê Serokwezîrê Herêmê Qubad Talebanî, ragihand: Yekxistina hêza Pêşmerge û birêxistinkirina wê ya wekî saziyekê û avakirina hêzeke perwerdekirî û pîşeyî, daxwaz û xwasteke jimêj a gelê Kurdistanê ye û ev çend sal in ku em hewl ji bo vê yekê didin. Ji ber wê jî yekxistina hêzên 70 û 80 yên Pêşmerge û rêkxistina wan di bin sîwana Wezareta Pêşmerge de pêngaveke dîrokî ye û baştirîn rêzgirtine ji bo xebat û qurbanîdana Pêşmerge.

Amaje bi wê yekê jî kir û got: Bi vê boneyê ez ji dil pîrozbahiyê li Hêza Pêşmergeyê Kurdistanê dikim û em wan piştrast dikin ku ji niha pêve jî bi hemû şiyana xwe emê piştevanê wan bin û emê bixebitin daku wan ji her cure destwerdaneke siyasî û hizbî dûr bixin. Her wiha em spasiya hevpeymanên xwe jî dikin ku di çend salên borî de gelekî alîkarê me bûn ji bo gihîştina bi vê armanca pîroz.

PUKMEDIA