Qubad Talebanî û şandeke Fransî tekezî li ser xurtkirina peywendiyan dikin

Nivîsgeha Ragihandina ya Cîgirê Serokwezîr

Qubad Talebanî û şandeke Senatoya Fransa

Qubad Talebanî Cîgirê Serokwezîr pêşwazî li şandeyeke Senato ya Fransayê kir, ku ji serokê Komîteya Dostaniya Fransa-Îraqê, Remy Ferro û Olivier Blitzû Senator Nicole Doranton pêk hatibû.

Di civînê de ku îro roja Sêşemê (22/09/2026).an hat lidarxistin, her du aliyan peywendiyên dîrokî yên di navbera Kurdan û hikûmet û gelê Fransayê de gotûbêj kirin û hevra bûn ku ji bo berdewamkirin û xurtkirina bawerî û peywendiyên dîrokî yên di navbera her du aliyan de, divê zêdettir kar bê kirin.

Di vê çarçoveyê de,Qubad Talebanî spasiya xwe ji bo hevgirtin û piştgiriya berdewam ya hikûmet û gelê Fransayê ji bo Kurdistanê kir,û bi taybet jî spasiya artêşa Fransayê kir ji bo alîkarî û piştgiriya wê ya ji bo Pêşmerge û artêşa Îraqê di şerê li dijî terorê de.

Di tewerek din ya civînê de,li ser çawaniya rûbirûbûna terorîstan li Îraq û deverê de jî gotûbêj hat kirin û hevra bûn ku;ku raste DAIŞ û komên terorîst şikestin anîn,lê ew hîna bi tevahî ne hatine jinavbirin û hîna jî ji bo herêm û cîhanê gef in.

Di vê çarçoveyê de, Cîgirê Serokwezîr bal kişand ser vekişîna hêzên hevpeymaniyê, pêwîst dît ku her du hikûmetên Îraq û Herêma Kurdistanê berdewam biki li ser peywendî û hemahengiyê bi welatên dost û hevalbend re ji bo parastina aramî û ewlehiya herêmî ji her gefê.

PUKMEDIA