13 Mîlyon dolar ji bankayên Fransayê bo Îraqê hat vegerandin

Ca.Financeyahoo.com

Dolarê Amerîkî

Sindoqa Vegerandina Samanên Îraqê ragihand ku wan karîbû mîqdara 13 mîlyon dolarên Amerîkî ji wan pere û samanên ku li bankayên Fransayê hatibûn astengkirin, vegerînin xezîneya giştî ya dewleta Îraqê.

Îro Pêncşemê 24ê 9ê 2026an, Sindoqa Vegerandina Samanên Îraqê di daxuyaniyekê de ragihand: Hewldanên Sindoqa Vegerandina Samanên Îraqê bûn sedema vegerandina 13 mîlyon dolaran ji wan pereyên Îraqê yên ku li gorî biryara dadwerî li bankayên Fransayê dest danîbûn ser û vegerandina wan bo xezîneya dewletê.

Li gorî daxuyaniyê, Serokê Encumena Rêveberî a Sindoqê Mihemed Elî Lamî, tekez kiriye ku proseya wergirtinê berhema şopandin û wan rêkaran bû ku sindoqê bi hevahengî û alîkariya aliyên navneteweyî û navxweyî yên peywendîdar girtibû ber xwe.

Mihemed Elî Lamî diyar jî kir: Pereyê hatiye vegerandin piştî temamkirina rêkarên pêwîst û hevahengiya bi Bankaya Erebî ya Swîsrî re, kete ser hesabên Wezareta Darayî ya Îraqê.

PUKMEDIA