Bi derengketina vegerê xwendekarên Serêkaniyê ji perwerdê bêpar dimînin

Ajans

Xwendekarê Serêkaniyê

Êş û azarên nêzîkî du hezar malbatên koçber ên ku di nava Kampa Serêkaniyê de dimînin, bi derengketina vegera koçberan re mezintir dibe, û bi girtina dibistanên kampê bi hezaran zarok û xwendekar ji berdewamkirina perwerdehiyê bêpar dibin.

Hevserokê Kampa Serêkaniyê Ebdulrezaq Mıhemmed ji ANHAyê re ragihandiye ku: Nêzîkî du hezar malbat di nava kampê de mane, û girtina dibistanan yek ji pirsgirêkên herî diyare ku koçber pêre rû bi rû ne, ji ber ku bi hezaran zarok û xwendekar ji xwendina xwe bêpar dimînin, ligel kêmbûna piştgiriya mirovî ya ku rêxistinên mirovahî pêşkêşî niştecihên kampê dikirin, ev yek jî rewşa wan di nêzîkbûna demsala zivistanê de dijwartir dike.

Hevserokê Kampa Serêkaniyê bang li aliyên peywendîdar kir ku xwendekar vegerin dibistanan û pêvajoya perwerdehiyê temam bikin.

Piştî ku karwanê yekem û duyem gihêştin warên xwe li Serêkaniyê, hîna dema karwanê sêyem heta niha nehatiye diyarîkirin, di demekê de ku koçber li benda destpêkirina pêvajoyên vegerê û lezkirina wan in.

PUKMEDIA