Îraq dixwaze balafirxaneyên xwe ji rêkarên Amerîka bo geştên Îranê derbixe

Ajans

Balafirxaneya Bexda

Hikûmeta Îraqê îro Şemiyê 26/9/2026`an ragihand ku, ew di danûstandinên rasterast de ye ligel aliyê Amerîkî derbarê bêparkirina hin balafirxaneyên Îraqî ji wan rêkarên ku Wezareta Gencîniyê ya Amerîkayê li dijî geştên kompaniyên firokevaniyê yên Îranî bo balafirxaneyên herêmê, ku di nav de balafirxanên Îraqê jî girtine.

Nivîsîngeha Ragihandinê ya Serokwezîrê Îraqê di daxuyaniyekê de ku wêneyk ketiye destê PUKMEDIA`yê têde gotiye ku: Hikûmet hewl dide destûrê bide destpêkirina geştên esmanî, û da zanîn ku ev yek ji bo sedemên mirovî ye ku bi dermankirin, xwendin û serdanên olî ve girêdayî ne, ji bilî karûbar û berjewendiyên sivîlan.

Hikûmeta Îraqê li gorî daxuyaniyê tekez dike ku ew dê berdewam be li ser xebatên ji bo aramkirina rewşa herêmê, û tekez kir ku berdewamiya qeyranan dê rewşê aloztir bike.

Hikûmetê bang li hemû aliyan kir ku diyalog û danûstandinan ji bo gihîştina çareseriyên ku qeyran û nakokiyên niha biqedînin bipejirîrin, bi awayekî ku berjewendiyên welat û gelên herêmê pêk bîne.

Ev yek di çarçoveya hewldanên Îraqê de tê ji bo çareserkirina bandorên rêkarrên Amerîkî li ser tevgera esmanî û peywendiyên mirovî û sivîl ên rêwiyan.

PUKMEDIA