Nêzî 1400 malbatên koçberên Şehba li benda vegerê ne

Rewangeha Sûrî bo Mafên Miroavan

Koçberên Gundewarê Şehba

Nêzîkî 1400 malbatên Kurd yên ji herêma Şehbayê ya li Bakurê parêzgeha Helebê koçber bûne, li bajar û bajarokên Hesekê, Qamişlo, Tel Temer, Dirbêsiyê, Dêrik û Kobaniyê belav bûne û di rewşek nezelal de ne.

Tevî ku bi mehan di ser koçberbûna wan û ragihandina proje û bernameyên fermî yên ji bo bidawîanîna kampan û qeyrana koçberiyê re derbaz bûne jî, ji bo vegera wan ya ewle bo deverên xwe yên berê tu pêngaveke zelal nîne.

Li gorî zanyariyên ku ji aliyê Rewangeha Sûrî bo Mafên Mirovan ve hatine wergirtin, piraniya van malbatan ji bajarok û gundewarên Ezaz, El-Bab, El-Raî, Marê', Minbic û Dêr Hafir tên, di heman demê de vegera wan hîna jî bi hejmarek pirsgirêkên ewlehî, xizmetguzarî û jiyanê re rû bi rû ye, ji bilî fikarên li ser hebûna gerantiyên pêwîst ji bo parastina sivîlan û misogerkirina aramiya wan piştî vegerê.

Tevî ku dezgehên fermî yên di hikûmeta veguhêz de destpêkirina 119 projeyan li Parêzgeha Helebê di bin bernameya bi navê "Sûriye ya Bê Kampan" de, ku nirxa wê ji 9.25 milyon Dolaran zêdetire, ragihandin, ku armanc ewe xizmet û mercên jiyanê baştir bikin û mercên vegera koçberan biafirînin, malbatên ji Şehbayê koçber bûne dibêjin ku ev proje hîna veneguherîne pêngavên kirdarî ku rê bidin wan ku vegerin, yan jî pêdiviyên herî kêm ji bo aramiyê û jiyaneke baş li deverên xwe yên resen misoger bikin.

Li gorî Rewangeha Sûrî bo Mafên Mirovan çareserkirina pirsgirêka kesên koçber û penaberan divê ne tenê bi ragihandina projeyan yan destnîşankirina dîrokên vegerê ve sînordar be, lê rêkarên kirdarî yên pîvanbar hewce dike, ku bi dabînkirina parastin û ewlehiyê dest pê dike, amadekirina binesaziyê û karûbarên bingehîn, misogerkirina debara jiyanê, û çareserkirina sedemên koçberî û koçberiyê, daku vegera dilxwaz,ewle, bi rûmet û domdar were misoger kirin, û pêşî li vegerê were girtin ku bibe veguheztinek ji koçberiyekê bo koçberiyek din.

PUKMEDIA