12 Pirtûkên taybet bi belge û destnivîsên dîroka Kurd û Kurdistanê hatin ragihandin

taybet

Wêneyê Merasîmê

Îro roja Şemiyê 26ê Îlonê 2026an, Navenda Lêkolînên Pêşerojê (CFS) û Navenda Kurdistanê ji bo Belgeyan a Zanîngeha Silêmaniyê, ragihandina 12 pirtûkên taybet bi belge û destnivîsên dîroka Kurd û Kurdistanê eşkere kirin.

Di pêngav û ezmûneke nû de û di rêwresmekê de bi beşdariya hejmarek ji serokên zanîngehan, akademîsyen, rewşenbîr û mamostayên zanîngehê, Navenda Lêkolînên Pêşerojê (CFS) û Navenda Kurdistanê ji bo Belgeyan a Zanîngeha Silêmaniyê di çarçoveya projeyeke giring de, 12 pirtûkên taybet bi belge û destnivîsên dîroka Kurd û Kurdistanê xistin ber destê xwendevanan.

Dr. Yûsiv Goran di gotarekê de bi giranî behsa projeya arşîvê kir wekî stûnekî sereke yê avakirina pêşerojê û nîştimansaziyê. Her wiha kurteyek li ser dîrok û hewldanên damezrandina Navenda Kurdistanê ji bo belgeyan pêşkêş kir ku di kabîneya berê ya Hikûmeta Herêma Kurdistanê de wekî yekem navenda fermî û akademîk a taybet bi arşîv, destnivîs û lêkolînê bi hewldana dilsozan hatiye damezrandin. Her wiha piştgiriya xwe ji bo projeyên Navenda Kurdistanê dubare kir.

Dr. Yûsiv Goran got: "Ev proje yek ji projeyên belgeyî yên bêhempa yên Kurdistanê ye û em spasiya hemû kesên ku bi xemxurî piştgiriya vê projeyê kirine û bi her awayê dilsoziyê di amadekirin û spartina belgeyan de bi proje re bûne hevkar.

PUKMEDIA