Qubad Talebanî digel Konsulê Giştî yê Koreya Başûr civiya

Nivîsingeha Ragihandina Qubad Talebanî

Qubad Talebanî û Konsulê Giştî yê Koreya Başûr

Qubad Talebanî Cîgirê Serokwezîr pêşwazî li Konsula Giştî ya nû ya Koreya Başûr, Eun Gyo Shim, kir û bi hevre çend mijarên girîng yên hevbeş gotûbêj kirin.

Di civîna ku roja Çarşemê (30/09/2026).an de li Hewlêrê bi rêve çû, Qubad Talebanî pîrozbahî li Konsulê nû yê Koreyê kir ji ber destnîşankirina wî, û hêviya serketinê di erkê wî de xwest û amadebûna xwe ji bo her cûrê hevkarî û hevrêziyê ji bo karê hevbeş nîşan da daku peywendiyên di navbera Koreya Başûr û Herêma Kurdistanê de xurt bibin.

Cîgirê Serokwezîr spasiya hikûmeta Koreya Başûr kir ji bo alîkariyên ku bi riya Ajansa Hevkariya Navneteweyî ya Koreyê (KOICA) ji Herêma Kurdistanê re hatine pêşkêş kirin, daxwaz jî kir ku ne tenê ji bo bajarên mezin û navçeyan jî di nav xwe de bigire, bi taybetî di çarçoveya projeyên pêşveçûna herêmî de ji bo alîkariya Ajansa Pêşveçûnê ya Raperînê were kirin.

Di beşek din a civînê de, pêşxistina jêhatîyên ciwanan di warên teknolojî û jîreya destçêkirî de hate gotûbêj kirin,di wê derbarê de, Qubad Talebanî daxwaz li hikûmeta Koreyê kir ku di perwerde û veguhestina pisporî û ezmûnê de alîkariya Dezgeha Hub Foundation bike.

Cîgirê Serokwezîr kêfxweşiya xwe ji bo lidarxistina Festîvala Çandî ya Koreyî ku meha bê ji aliyê Konsulxaneya Koreyî ve li Silêmaniyê tê lidarxistin anî ziman û amadebûna xwe ji bo her cûrê hevkarî û piştgiriyê nîşan da.

PUKMEDIA